കൊച്ചി:  ഇന്ത്യന്‍ താരം ഇഷാന്‍ പണ്ഡിതയെ ടീമിലെത്തിച്ച് കേരള ബ്ലാസ്‌റ്റേഴ്‌സ്. ഫ്രീ ട്രാന്‍സ്ഫറില്‍ എത്തിയ താരവുമായി രണ്ടു വര്‍ഷത്തേക്കാണ് കരാര്‍. കര്‍ണാടക സംസ്ഥാന ലീഗിലൂടെ കരിയര്‍ തുടങ്ങിയ താരം 2014ല്‍ 16ാം വയസ്സില്‍ സ്‌പെയിനിലേക്ക് മാറിയിരുന്നു.  ഇവിടെ യൂത്ത് ടീമുകള്‍ക്ക് വേണ്ടി കളിച്ചു. 2020ല്‍ ഇന്ത്യയില്‍ മടങ്ങിയെത്തി എഫ്‌സി ഗോവയ്‌ക്കൊപ്പം ചേര്‍ന്നു. കഴിഞ്ഞ രണ്ടു സീസണുകളിലായി ജംഷഡ്പൂര്‍ എഫ്‌സികൊപ്പമായിരുന്നു.  ഇതുവരെ അമ്പതിലധികം മത്സരങ്ങളില്‍ കളിച്ച 25കാരന്‍ മത്സരങ്ങളില്‍ 10 ഗോളുകള്‍ നേടിയിട്ടുണ്ട്.  2021ലായിരുന്നു ഇന്ത്യന്‍ ടീമിലേക്കുള്ള അരങ്ങേറ്റം.  ഡ്യൂറന്‍ഡ് കപ്പിനായി കല്‍ക്കത്തയിലുള്ള ബ്ലാസ്‌റ്റേഴ്‌സ് ടീമിനൊപ്പം ഇഷാന്‍ ചേര്‍ന്നിട്ടുണ്ടെന്ന് ബ്ലാസ്റ്റ്‌ഴ്‌സ് അറിയിച്ചു.കേരള ബ്ലാസ്‌റ്റേഴ്‌സിനൊപ്പം ചേരാന്‍ സാധിച്ചതില്‍ അതീവ സന്തോഷവാനാണെന്ന ഇഷാന്‍ പണ്ഡിത പറഞ്ഞു.