കൊച്ചി: പഞ്ചാബ് എഫ്‌സി താരം ഫ്രെഡി ലല്ലാവ്മയെ സ്വന്തമാക്കി കേരള ബ്ലാസ്‌റ്റേഴ്‌സ്. 2026 വരെ നീണ്ടു നില്‍ക്കുന്ന മൂന്ന് വര്‍ഷത്തെ കരാറിലാണ് മിഡഫീല്‍ഡറുമായി ഒപ്പുവച്ചത്. കഴിഞ്ഞ രണ്ട് ഐ ലീഗ് സീസണില്‍ പഞ്ചാബ് എഫ്‌സിക്കായി മികച്ച പ്രകടനം നടത്തിയ 21കാരന്‍ പോയ സീസണില്‍ കിരീടം നേടാനും ടീമിനെ സഹായിച്ചു. ട്രാന്‍സ്ഫറിലൂടെയാണ് മിസോറം താരം ബ്ലാസ്‌റ്റേഴ്‌സിലെത്തുന്നത്. ഫ്രെഡിയുടെ വരവ് ബഌസ്റ്റേഴ്‌സ് സ്‌ക്വാഡിന് ഏറെ ഗുണകരമാകുമെന്ന് സ്‌പോര്‍ട്ടിംഗ് ഡയറക്ടര്‍ കരോളിസ് സ്‌കിന്‍കിസ് പറഞ്ഞു.ഫ്രെഡിയുടെ യുവത്വവും കഴിവും മധ്യനിരയ്ക്ക് മുതല്‍ക്കൂട്ടാകുമെന്നും അദ്ദേഹം കൂട്ടിച്ചേര്‍ത്തു. കേരള ബാസ്റ്റേഴ്‌സിനൊപ്പം ചേരാനായതില്‍ അതീവ സന്തോഷമുണ്ടെന്ന് ഫ്രെഡി പറഞ്ഞു.
