കൊളംബോ: ഏകദിന ക്രിക്കറ്റ് ലോകകപ്പിനുള്ള 15 അംഗ ഇന്ത്യന്‍ ടീമിനെ പ്രഖ്യാപിച്ചു. മലയാളി താരം സഞ്ജു സാംസണ് ടീമില്‍ ഇടം കിട്ടിയില്ല.ശ്രീലങ്കയില്‍ നടക്കുന്ന ഏഷ്യാകപ്പ് മല്‍സരത്തിനിടയില്‍ കൊളോബോയില്‍ നടത്തിയ വാര്‍ത്താ സമ്മേളനത്തിലാണ് സെലക്ഷന്‍ കമ്മിറ്റി തലവന്‍ അജിത് അഗാര്‍ക്കര്‍,ക്യാപ്റ്റന്‍ രോഹിത് ശര്‍മ്മ എന്നിവര്‍ നടത്തിയ വാര്‍ത്താ സമ്മേളനത്തില്‍ ടീം പ്രഖ്യാപനം നടത്തിയത്.സഞ്ജു സാംസണ് ടീമില്‍ ഇടം കിട്ടിയില്ല. അതേ സമയം കെ എല്‍ രാഹുല്‍ പേസര്‍ ജസ്പ്രീത് ബുമ്ര എന്നിവര്‍ക്ക് ടീമില്‍ ഇടം ലഭിച്ചു.
രോഹിത് ശര്‍മ്മയാണ് ക്യാപ്റ്റന്‍, ഹാര്‍ദിക് പാണ്ഡ്യയാണു വൈസ് ക്യാപ്റ്റന്‍. ശുഭ്മാന്‍ ഗില്‍,വിരാട് കോഹ് ലി,ശ്രേയസ്സ് അയ്യര്‍,ഇഷാന്‍ കിഷന്‍, കെ.എല്‍ രാഹുല്‍,ഹര്‍ദിക് പാണ്ഡ്യ,സൂര്യകുമാര്‍ യാദവ്,രവീന്ദ്ര ജഡേജ,അക്‌സര്‍ പട്ടേല്‍,ഷാര്‍ദുല്‍ താക്കൂര്‍,ജസ്പ്രീത് ബുംമ്ര,മുഹമ്മദ് ഷമി,മുഹമ്മദ് സിറാജ്,കുല്‍ദീപ് യാദവ് എന്നിങ്ങനെയാണ് ടീം.ഒക്ടോബര്‍ അഞ്ചിനാണ് ലോകകപ്പ് മത്സരങ്ങള്‍ തുടങ്ങുന്നത്. ഇംഗ്ലണ്ടും ന്യൂസീലന്‍ഡും തമ്മിലാണ് ആദ്യ പോരാട്ടം. ഒക്ടോബര്‍ എട്ടിന് ഓസ്‌ട്രേലിയയ്‌ക്കെതിരെ ഇന്ത്യ ആദ്യ മത്സരം കളിക്കും. 14നാണ് ഇന്ത്യ– പാക്കിസ്ഥാന്‍ പോരാട്ടം.
