കൊച്ചി: മെറ്റാഹ്യൂ വിഷന്‍സിന്റെ കൊച്ചി ഓഫീസ് ഉദ്ഘാടനം ചെയ്തു. കമ്പനി ഡയറക്ടര്‍മാരായ ജിജു ശ്രീധര്‍, ജീവന്‍ലാല്‍ ആര്‍ എന്നിവര്‍ ചേര്‍ന്ന് ഓഫിസിന്റെ ഉദ്ഘാടനം നിര്‍വ്വഹിച്ചു. പുതിയ ലോഗോ പ്രകാശനം ചെയ്ത് കൊണ്ടാണ് കൊച്ചി ഓഫീസ് പ്രവര്‍ത്തനമാരംഭിച്ചത്. കമ്പനി പ്രതിനിധികളായ ടി പി സന്ദീപ് , ജാഫര്‍ കുറ്റിയോത്ത് എന്നിവര്‍ സംസാരിച്ചു.
മിഡില്‍ ഈസ്റ്റ് കേന്ദ്രീകരിച്ച് വര്‍ഷങ്ങളായി പ്രവര്‍ത്തിച്ചിരുന്ന സ്ഥാപനത്തിന്റെ പ്രവര്‍ത്തനം മറ്റ് രാജ്യങ്ങളിലെക്കും വ്യാപിപ്പിക്കുന്നതിന്റെ ഭാഗമായാണ് ഇന്ത്യയിലെ ആദ്യ ഓഫീസ് കൊച്ചിയില്‍ നിന്നും തുടങ്ങുന്നതെന്ന് ഡയറക്ടര്‍മാരായ ജിജു ശ്രീധര്‍, ജീവന്‍ലാല്‍ ആര്‍ എന്നിവര്‍ പറഞ്ഞു.ക്രിയേറ്റീവ് അഡ്വര്‍ടൈസിംഗ് എജന്‍സി എന്ന നിലയില്‍ ആരംഭിച്ച കമ്പനി മാനേജ്‌മെന്റ് കണ്‍സള്‍ട്ടന്‍സി, സോഫ്റ്റ് വെയര്‍ രംഗത്തും ശ്രദ്ധ പതിപ്പിക്കുന്നു.
പരസ്യമേഖലയില്‍ ക്വാളിറ്റി പ്രൊഫഷണല്‍സിനെ വികസിപ്പിക്കുന്നതിനായി പരസ്യ രംഗത്തേ വിദഗ്ധരെയും വിദ്യാര്‍ത്ഥികളെയും സംയോജിപ്പിക്കുന്ന പരിശീലന പരിപാടി അടുത്ത മാസം മെറ്റാഹ്യൂ ഇന്നോവേഷന്‍ ഹബില്‍ സംഘടിപ്പിക്കുന്നുണ്ടെന്നും ഇവര്‍ വ്യക്തമാക്കി.
#metahue
