കൊച്ചി:  എറണാകുളം ജില്ലാ സീനിയര്‍ ബാസ്‌ക്കറ്റ് ബോള്‍ ചാംപ്യന്‍ഷിപ്പില്‍ സെന്‍ട്രല്‍ ടാക്‌സ് ആന്റ് കസ്റ്റംസ് ടീം ചാമ്പ്യന്മാരായി.കടവന്ത്ര രാജീവ് ഗാന്ധി ഇന്‍ഡോര്‍ സ്‌റ്റേഡിയത്തില്‍ നടന്ന ഫൈനല്‍ മല്‍സരത്തില്‍ കേരള പോലിസ് ടീം അംഗങ്ങള്‍ അണിനിരന്ന റോഷന്‍സ് സെവന്‍സ്റ്റാര്‍ ടീമിനെ 60 നെതിരെ 77 പോയിന്റുകള്‍ക്കാണ് സെന്‍ട്രല്‍ ടാക്‌സ് ആന്റ് കസ്റ്റംസ് ടീം പരാജയപ്പെടുത്തിയത്. സെന്‍ട്രല്‍ ടാക്‌സിന് വേണ്ടി എബിന്‍ സാബു(18 പോയിന്റ്),ഷിനുമോന്‍ അഗസ്റ്റിന്‍ (15പോയിന്റ്), യൂട്രിക് പെരേര( 12 പോയിന്റ്), ബേസില്‍ ഫിലിപ്പ്(12 പോയിന്റ് ),  ജോഷ്വവ സുനില്‍ ഉമ്മന്‍(11 പോയിന്റ്) നേടി മികച്ച പ്രകടനം കാഴ്ചവെച്ചു.