കൊച്ചി: കേരള ഫുട്‌ബോള്‍ അസ്സോസിയേഷന്‍ സംഘടിപ്പിക്കുന്ന സ്‌കോര്‍ലൈന്‍ കേരള പ്രീമിയര്‍ ലീഗ് (കെപിഎല്‍) നവംബര്‍ 25നും കേരള വുമന്‍സ് ലീഗ്  മത്സരങ്ങള്‍ ഡിസംബര്‍ 5ന് തുടങ്ങുമെന്ന് കേരള ഫുട്‌ബോള്‍ അസോസിയേഷന്‍ പ്രസിഡന്റ് നവാസ് മീരാന്‍,ജനറല്‍ സെക്രടറി പി.അനില്‍കുമാര്‍,ട്രഷറര്‍ റെജിനോള്‍ഡ് വര്‍ഗീസ് എന്നിവര്‍ വാര്‍ത്താ സമ്മേളനത്തില്‍ പറഞ്ഞു.

 നവംബര്‍ 25ന് ആരംഭിക്കുന്ന കേരള പ്രീമിയര്‍ ലീഗ് ഫുട്‌ബോള്‍ ചാംപ്യന്‍ഷിപ്പില്‍  ഗോകുലം കേരള എഫ്‌സിയും കേരള യുണൈറ്റഡ് എഫ്‌സിയും തമ്മിലാണ് ഉദ്ഘാടന മത്സരം. വൈകിട്ട് 7ന് മലപ്പുറം കോട്ടപ്പടി സ്‌റ്റേഡിയത്തിലാണ് കിക്കോഫ്. കണ്ണൂര്‍ ജവഹര്‍ മുനിസിപ്പല്‍ സ്‌റ്റേഡിയമാണ് കെപിഎലിന്റെ മറ്റൊരു വേദി. കഴിഞ്ഞ സീസണില്‍ നിന്ന് വ്യത്യസ്തമായി രണ്ട് ഗ്രൂപ്പുകളിലായി 20 ടീമുകളാണ് ഇത്തവണ കെപിഎല്‍ കിരീടത്തിനായി മത്സരിക്കുന്നതെന്ന് കേരള ഫുട്‌ബോള്‍ അസോസിയേഷന്‍ ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു. ഫൈനല്‍ ഉള്‍പ്പെടെ ആകെ 108 മത്സരങ്ങള്‍. കെപിഎല്‍ യോഗ്യത റൗണ്ട് ജയിച്ചെത്തിയ ദേവഗിരി സെന്റ് ജോസഫ്‌സ് കോളജ്, ലൂക്ക സോക്കര്‍ ക്ലബ്ബ്, കോര്‍പറേറ്റ് എന്‍ട്രിയിലൂടെ എത്തിയ എഫ്‌സി കേരള എന്നിവയാണ് ഈ സീസണിലെ പുതിയ ടീമുകള്‍.

കോവളം എഫ്‌സി, കേരള പൊലീസ്, കെ.എസ്.ഇ.ബി, ഗോള്‍ഡന്‍ ത്രെഡ്‌സ് എഫ്‌സി, കേരള ബ്ലാസ്‌റ്റേഴ്‌സ് എഫ്‌സി, എം.കെ സ്‌പോര്‍ട്ടിങ് ക്ലബ്ബ്, സാറ്റ് തിരൂര്‍, ബാസ്‌കോ ഒതുക്കുങ്ങല്‍, ഗോകുലം കേരള എഫ്‌സി, കേരള യുണൈറ്റഡ് എഫ്‌സി, സായിഎല്‍എന്‍സിപിഇ, പറപ്പുറം എഫ്‌സി, മുത്തൂറ്റ് എഫ്എ, എഫ്‌സി അരീക്കോട്, റിയല്‍ മലബാര്‍ എഫ്‌സി കൊണ്ടോട്ടി, വയനാട് യുണൈറ്റഡ് എഫ്‌സി, ലിഫ എന്നിവയാണ് ഈ സീസണിലെ മറ്റു ടീമുകള്‍.രണ്ട് ഗ്രൂപ്പുകളായാണ് ഇത്തവണ മത്സരങ്ങള്‍. ഓരോ ഗ്രൂപ്പിലും 10 ടീമുകള്‍ വീതം. സിംഗിള്‍ ലെഗ് ഫോര്‍മാറ്റിലായിരിക്കും പ്രിലിമിനറി റൗണ്ട് മത്സരങ്ങള്‍. ഓരോ ഗ്രൂപ്പിലെയും മികച്ച മൂന്ന് ടീമുകള്‍ സൂപ്പര്‍ സിക്‌സില്‍ പ്രവേശിക്കും. സിംഗിള്‍ ലെഗ് മത്സരങ്ങള്‍ക്ക് ശേഷം മികച്ച നാലുടീമുകള്‍ സെമിഫൈനലില്‍ പ്രവേശിക്കും. തുടര്‍ന്ന് ഫൈനല്‍. സെമിഫൈനലിലും ഇത്തവ സിംഗിള്‍ ലെഗ് ആയിട്ടായിരിക്കും മത്സരം. കെപിഎല്‍ ചാമ്പ്യന്‍മാരെ ഐലീഗിന്റെ മൂന്നാം ഡിവിഷനിലേക്ക് കെഫ്എ നോമിനേറ്റ് ചെയ്യും. 2024 ജനുവരിയോടെ ലീഗ് മത്സരങ്ങള്‍ പൂര്‍ത്തിയാക്കാനാവുമെന്നാണ് പ്രതീക്ഷ.

നിവിയ ആണ് ഈ സീസണിലെ ഔദ്യോഗിക ബോള്‍ ആന്‍ഡ് കിറ്റ് സ്‌പോണ്‍സര്‍.കേരള പ്രീമിയര്‍ ലീഗിന്റെ എല്ലാ മത്സരങ്ങളും തത്സമയം സംപ്രേക്ഷണം ചെയ്യും ള്‍ ഡിസംബര്‍ 5ന് തുടങ്ങുന്ന  കേരള വുമന്‍സ് ലീഗ് (കെഡബ്ല്യുഎല്‍)ല്‍ ഇത്തവണ ഏഴ് ടീമുകളാണ് പങ്കെടുക്കുന്നത്. ഗോകുലം കേരള എഫ്‌സി, കേരള യുണൈറ്റഡ് എഫ്‌സി, കടത്തനാട് രാജ എഫ്എ, ലോര്‍ഡ്‌സ് എഫ്എ കൊച്ചി വെഎംഎഎ, എഫ്‌സി കേരള, എസ്ബിഎഫ്എ പൂവാര്‍, ദേവഗിരി സെന്റ് ജോസഫ്‌സ് കോളജ് ടീമുകളാണ് വനിതാകീരിടത്തിനായി മത്സരിക്കുക. തൃശൂര്‍ കോര്‍പറേഷന്‍ സ്‌റ്റേഡിയത്തില്‍ ഫഌഡ്‌ലൈറ്റിലായിരിക്കും എല്ലാ മത്സരങ്ങളും. ഡിസംബര്‍ 5ന് വൈകിട്ട് 7ന് ആദ്യ മത്സരത്തില്‍ ഗോകുലം കേരള എഫ്‌സി, ലോര്‍ഡ്‌സ് എഫ്എയെ നേരിടും. സ്‌കോര്‍ലൈന്‍ സ്‌പോര്‍ട്‌സ് െ്രെപവറ്റ് ലിമിറ്റഡാണ് ലീഗിന്റെ ടൈറ്റില്‍ സ്‌പോണ്‍സര്‍മാര്‍. നിവിയ ആണ് ഔദ്യോഗിക ബോള്‍ ആന്‍ഡ് കിറ്റ് സ്‌പോണ്‍സര്‍2024 ജനുവരി 28 വരെ നീളുന്ന ചാമ്പ്യന്‍ഷിപ്പില്‍ ലീഗ് കം നോക്കൗട്ട് അടിസ്ഥാനത്തിലാണ് മത്സരങ്ങള്‍. ആകെ 42 മത്സരങ്ങള്‍. എല്ലാ മത്സരങ്ങളും തത്സമയം സംപ്രേക്ഷണം ചെയ്യും. ലീഗ് ജേതാക്കള്‍ എഐഎഫ്എഫിന്റെ ഇന്ത്യന്‍ വുമന്‍സ് ലീഗ് രണ്ടാം ഡിവിഷനിലേക്ക് യോഗ്യത നേടുമെന്നും കെ.എഫ്.എ ഭാരവാഹികള്‍ വ്യക്തമാക്കി.