കോലഞ്ചേരി: ചൂണ്ടി വ്യാപാര ഭവന്‍ നാളെ ഉദ്ഘാടനം ചെയ്യും. രാവിലെ 9.30ന് നടക്കുന്ന സമ്മേളനത്തില്‍ കേരള വ്യാപാരി വ്യവസായി ഏകോപന സമിതി സംസ്ഥാന പ്രസിഡന്റ് രാജു അപ്‌സര വ്യാപാര ഭവന്റെ ഉദ്ഘാടനം നിര്‍വ്വഹിക്കും. ഇതിനോടനുബന്ധിച്ചുള്ള ഓഡിറ്റോറിയം ബെന്നി ബഹനാന്‍ എം.പി യും കോണ്‍ഫറന്‍സ് ഹാള്‍ പി.വി. ശ്രീനിജിന്‍ എം.എല്‍.എ യും ഓഫീസ് കെവിവിഇഎസ് ജില്ലാ പ്രസിഡന്റ് പി.സി. ജേക്കബും ഉദ്ഘാടനം ചെയ്യും. ഫോട്ടോ അനാച്ഛാദനം, യൂണിഫോം വിതരണം എന്നിവയും ചടങ്ങില്‍ നടക്കും. തുടര്‍ന്ന് കുടുംബ സംഗമവും പൊതുയോഗവും തെരഞ്ഞെടുപ്പും ഉണ്ടാകും.
ചൂണ്ടി പരമഭട്ടാര വിദ്യാലയം റോഡില്‍ 3800 ചതുരശ്ര അടി വലിപ്പത്തിലുള്ള ഇരുനില കെട്ടിടമാണ് പൂര്‍ത്തീകരിച്ചിട്ടുള്ളതെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. ഓഫീസും വ്യാപാര ഭവനും, 500 പേര്‍ക്കിരിക്കാവുന്ന ഓഡിറ്റോറിയവും സ്‌റ്റേജുമാണ് പൂര്‍ത്തിയായിട്ടുള്ളത്. വ്യാപര ഭവന്‍ ഉദ്ഘാടനത്തോടനുനബന്ധിച്ചുള്ള സമ്മേളനം നാളെ അവസാനിക്കുന്നതുവരെ യൂണിറ്റിനു കീഴിലെ എല്ലാ വ്യാപാര സ്ഥാപനങ്ങളും അവധിയായിരിക്കുമെന്നും ഭാരവാഹികള്‍ അറിയിച്ചു. ഭാരവാഹികളായ ബാബു കുരുത്തോല, ജയ്‌മോന്‍ മാത്യു, എന്‍.എന്‍ തങ്കപ്പന്‍ എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.
