കൊച്ചി: ടൂറിസം വ്യവസായ മേഖലയുടെ സമഗ്ര വളര്‍ച്ച ലക്ഷ്യമിട്ട് മൂന്നാമത്തു തുഷാര്‍ മെഗാ ടൂറിസം ബി 2 ബി മീറ്റ് കൊച്ചിയില്‍ സം ഘടിപ്പിക്കുന്നു.കേരളത്തിലെ ട്രാവല്‍ ആന്റ് ടൂറിസം രംഗത്ത് പ്രര്‍ത്തിക്കുന്ന പ്രൊഫഷണല്‍ സ്ഥാപനങ്ങളുടെ സംഘടനയായ കേരളൈറ്റ്‌സ് ട്രാവല്‍ ആന്റ് ടൂര്‍സ് കണ്‍സോര്‍ഷ്യത്തിന്റെ (കെടിടിസി) നേതൃത്വത്തില്‍ ഈ മാസം 31 ന് നെടുമ്പാശ്ശേരി സിയാല്‍ കണ്‍വെന്‍ഷന്‍ സെന്ററിലായിരിക്കും മേള നടക്കുന്നതെന്ന് സംസ്ഥാന പ്രസിഡന്റ് മനോജ് എം. വിജയന്‍ വാര്‍ത്താ സമ്മേളനത്തില്‍ അറിയിച്ചു.
രാവിലെ 10 ന് കൊച്ചി ഇന്റര്‍നാഷണല്‍ എയര്‍പോര്‍ട്ട് എം ഡി എസ്. സുഹാസ് ടൂറിസം ബി 2 ബി മീറ്റിന്റെ ഉദ്ഘാടനം നിര്‍വ്വഹിക്കും. വൈകിട്ട് 6 വരെ നടക്കുന്ന പരിപാടിയില്‍ ഇന്ത്യയിലെയും വിദേശത്തേയും 200 ല്‍ പരം ടൂര്‍ കമ്പനികള്‍, ഡി എം സി കള്‍, പ്രമുഖ ഹോട്ടലുകളുടേയും റിസോര്‍ട്ടുകളുടേയും സ്റ്റാളുകള്‍ എന്നിവ ഉണ്ടാകും. സംസ്ഥാനത്തിന് അത്തും പുറത്തുമുള്ള നൂറുകണക്കിന് ട്രാവല്‍ ഏജന്റ്മാരുടെയും ടൂര്‍ ഓപ്പറേറ്റര്‍മാരുടെയും ഒത്തുചേരലിനും ബിസിനസ് ചര്‍ച്ചകള്‍ക്കും മേള വേദിയാകും.
ടൂറിസം വ്യവസായത്തില്‍ ലോകത്ത് മുന്‍നിരയിലുള്ള വ്യക്തികള്‍ നയിക്കുന്ന പൊതുചര്‍ച്ചകള്‍ തുഷാറിലെ പ്രധാന ആകര്‍ഷണമാണ്. വിനോദ സഞ്ചാര ബിസിനസ്സിലേക്ക് കടന്നുവരാന്‍ ആഗ്രഹിക്കുന്നവര്‍ക്കും നവാഗതര്‍ക്കും ഇതൊരു മുതല്‍ക്കൂട്ടായിരിക്കുമെന്നും അദ്ദേഹം അഭിപ്രായപ്പെട്ടു.മുന്‍കൂട്ടി രജിസ്റ്റര്‍ ചെയ്യുന്ന വര്‍ക്ക് അങ്കമാലി റെയില്‍വേ സ്‌റ്റേഷന്‍, ആലുവ മെട്രോ സ്‌റ്റേഷന്‍ എന്നിവിടങ്ങളില്‍ നിന്നും വാഹന സൗകര്യം ഉണ്ടായിരിക്കുമെന്നു സംഘാടകര്‍ അറിയിച്ചു. വൈസ് പ്രസിഡന്റ് ഷിജോ ജോര്‍ജ്, ട്രഷറര്‍ ഡെന്നി ജോസ്, എക്‌സിക്യൂട്ടീവ് മെമ്പര്‍ അനു ജോസഫ് എന്നിവരും പത്ര സമ്മേളനത്തില്‍ സന്നിഹിതരായിരുന്നു. സൗജന്യ രജിസ്‌ട്രേഷന് 7994242337 എന്ന വാട്‌സ്ആപ്പ് നമ്പറില്‍ ബന്ധപ്പെടുക.
