കൊച്ചി: കൊച്ചി മെട്രോയുടെ ആറാം വാര്‍ഷിക ആഘോഷങ്ങളോടനുബന്ധിച്ച് കെഎംആര്‍എല്‍ താരസംഘടനയായ അമ്മയുമായി ചേര്‍ന്ന് ഷോര്‍ട്ട് ഫിലിം മത്സരം സംഘടിപ്പിക്കുന്നു. 'ലൈഫ് ഇന്‍ എ മെട്രോ' എന്ന വിഷയത്തില്‍ മൂന്ന് മിനിറ്റ് ദൈര്‍ഘ്യമുള്ള ഷോര്‍ട്ട് ഫിലിമുകള്‍ മത്സരത്തിലേക്ക് അയക്കാം. പ്രായഭേദമെന്യേ ആര്‍ക്കും മത്സരത്തില്‍ പങ്കെടുക്കാം. വിജയികളെ അമ്മയില്‍ നിന്നുള്ള അംഗങ്ങള്‍ അടങ്ങുന്ന വിധികര്‍ത്താക്കളുടെ പാനല്‍ നിശ്ചയിക്കും. ആദ്യ മൂന്ന് സ്ഥാനങ്ങളിലെത്തുന്നവര്‍ക്ക് ആകര്‍ഷകമായ സമ്മാനങ്ങള്‍ ലഭിക്കും. മികച്ച ഷോര്‍ട്ട് ഫിലിമുകള്‍ കൊച്ചി മെട്രോ സ്‌റ്റേഷനുകളിലെ സ്‌ക്രീനുകളില്‍ പ്രദര്‍ശിപ്പിക്കുന്നതാണ്. രജിസ്‌ട്രേഷന്‍ സൗജന്യമാണ്. മത്സരത്തില്‍ പങ്കെടുക്കാന്‍ താത്പര്യമുള്ളവര്‍ ജൂണ്‍ അഞ്ചിന് മുന്‍പ് രജിസ്റ്റര്‍ ചെയ്യേണ്ടതാണ്. ജൂണ്‍ പത്തിന് മുന്‍പായി എന്‍ട്രികള്‍ അയക്കേണ്ടതാണ്. വിശദവിവരങ്ങള്‍ www.kochimtero.org എന്ന വെബ്‌സൈറ്റില്‍ ലഭ്യമാണ്.Registration linkhttps://kochimtero.org/KMRL-AMMA-Short-Film-Competition/