ഹൃദ്രോഗ ചികിത്സയില് കേരളം കൈവരിക്കുന്ന സുപ്രധാന മുന്നേറ്റങ്ങളില് ഒന്നാണിത്. ഗുരുവായൂര് സ്വദേശിനിയായ 42 വയസ്സുകാരി നിഷ പുരുഷോത്തമനാണ് ഈ നൂതന ശസ്ത്രക്രിയയിലൂടെ അതിവേഗം സുഖം പ്രാപിച്ചത്.
കൊച്ചി: സംസ്ഥാനത്ത് ആദ്യമായി റോബോട്ടിക്-അസിസ്റ്റഡ് കൊറോണറി ആര്ട്ടറി ബൈപാസ് ഗ്രാഫ്റ്റിംഗ് (സിഎബിജി) ശസ്ത്രക്രിയ വിജയകരമായി പൂര്ത്തിയാക്കി ഇന്ത്യയിലെ ഏറ്റവും മികച്ച മള്ട്ടിസ്പെഷ്യലിറ്റി ആശുപത്രികളില് ഒന്നായ ആസ്റ്റര് മെഡ്സിറ്റി. ഹൃദ്രോഗ ചികിത്സയില് കേരളം കൈവരിക്കുന്ന സുപ്രധാന മുന്നേറ്റങ്ങളില് ഒന്നാണിത്. ഗുരുവായൂര് സ്വദേശിനിയായ 42 വയസ്സുകാരി നിഷ പുരുഷോത്തമനാണ് ഈ നൂതന ശസ്ത്രക്രിയയിലൂടെ അതിവേഗം സുഖം പ്രാപിച്ചത്. ശസ്ത്രക്രിയ കഴിഞ്ഞ് നാലാം ദിവസം തന്നെ നിഷയെ ഡിസ്ചാര്ജ് ചെയ്യാനുമായി.
അതീവ ഗുരുതരമായ ട്രിപ്പിള്-വെസ്സല് ഡിസീസ് എന്ന രോഗമാണ് നിഷയ്ക്ക് ഉണ്ടായിരുന്നത്. പ്രധാനപ്പെട്ട മൂന്ന് ഹൃദയധമനികളിലും ബ്ലോക്ക് ഉണ്ടാകുന്ന സാഹചര്യമാണിത്. നിഷയുടെ രോഗം വളരെ സങ്കീര്ണ്ണമായതിനാല് സാധാരണ ആന്ജിയോപ്ലാസ്റ്റി കൊണ്ട് രോഗം ഭേദമാക്കാന് കഴിയില്ലായിരുന്നു. ഹൃദയം തുറന്നുള്ള ശസ്ത്രക്രിയ മാത്രമായിരുന്നു പോംവഴി. ഇത്തരത്തിലുള്ള ഓപ്പണ് ഹാര്ട്ട് സര്ജറിയുടെ ബുദ്ധിമുട്ടുകളെക്കുറിച്ചും, അതിന് ആവശ്യമായി വരുന്ന വലിയ മുറിവും, ദീര്ഘകാലത്തെ വിശ്രമവും നിഷയുടെ കുടുംബത്തെ ആശങ്കയിലാഴ്ത്തി. അതുകൊണ്ടാണ് അവര് നേരിയ മുറിവുകളിലൂടെ പ്രശ്നം പരിഹരിക്കാനായി മിനിമലി ഇന്വേസിവ് ശസ്ത്രക്രിയ തെരെഞ്ഞെടുത്തത്. റോബോട്ടിക് സഹായത്തോടെയുള്ള മിനിമലി ഇന്വേസിവ് ഡയറക്ട് കൊറോണറി ആര്ട്ടറി ബൈപാസ് ശസ്ത്രക്രിയയാണ് നിഷയ്ക്ക് ഏറ്റവും മികച്ചതും സുരക്ഷിതവുമാകുമെന്ന് ആസ്റ്റര് മെഡ്സിറ്റിയിലെ ശസ്ത്രക്രിയാ സംഘം കണ്ടെത്തി. മിനിമലി ഇന്വേസിവ് കാര്ഡിയാക് സര്ജറി (എം.ഐ.സി.എസ്) തന്നെ ഒരു വലിയ മുന്നേറ്റമായിരുന്നെങ്കിലും, റോബോട്ടിക്ക് സാങ്കേതികവിദ്യയുടെ കൃത്യതയോടെ നടപ്പാക്കാന് കഴിഞ്ഞത് വലിയ നേട്ടമായി. ഇത്തരം സങ്കീര്ണ്ണമായ ശസ്ത്രക്രിയകളില് മികച്ച കൃത്യതയും നിയന്ത്രണവും വ്യക്തമായ കാഴ്ചയുമാണ് റോബോട്ടിക് സംവിധാനം ഡോക്ടര്മാര്ക്ക് നല്കുന്നത്.
ഏറ്റവും നൂതനമായ ആരോഗ്യ സേവനങ്ങള് ഇന്ത്യയിലെ ജനങ്ങളിലേക്ക് എത്തിക്കുക എന്നതാണ് ആസ്റ്റര് ഏറ്റെടുത്തിരിക്കുന്ന ദൗത്യമെന്ന് ആസ്റ്റര് ഡിഎം ഹെല്ത്ത്കെയര് ചീഫ് ഓപ്പറേറ്റിംഗ് ഓഫീസര് രമേശ് കുമാര് പറഞ്ഞു. കേരളത്തിലെ ആദ്യത്തെ റോബോട്ടിക് അസിസ്റ്റഡ് കാര്ഡിയാക് ബൈപാസ് ശസ്ത്രക്രിയ വിജയകരമായി പൂര്ത്തിയാക്കിയത് അഭിമാനകരമായ ഒരു നാഴികക്കല്ലും ഹൃദയ പരിചരണത്തിലെ ഒരു വലിയ മുന്നേറ്റവുമാണ്. ഈ നേട്ടം ഞങ്ങളുടെ മെഡിക്കല് ടീമുകളുടെ വൈദഗ്ധ്യവും അര്പ്പണബോധവും തെളിയിക്കുന്നു. മാത്രമല്ല, വേഗത്തിലുള്ള രോഗമുക്തി ഉറപ്പാക്കുന്ന അത്യാധുനിക സാങ്കേതികവിദ്യകള് ഏറ്റവുമാദ്യം കൊണ്ടുവരുന്നതിനുള്ള ഞങ്ങളുടെ പ്രതിബദ്ധതയും കൂടിയാണ് ഇത് സൂചിപ്പിക്കുന്നത്. ഇത്തരം കണ്ടുപിടിത്തങ്ങള് ശസ്ത്രക്രിയകളുടെ ഭാവിയെ പുനര്നിര്വചിക്കുമെന്നും സങ്കീര്ണ്ണമായ ചികിത്സാക്രമങ്ങള് കൂടുതല് സുരക്ഷിതവും എളുപ്പവുമാക്കുമെന്നും രമേശ് കുമാര് പറഞ്ഞു.
റോബോട്ടിക് കാര്ഡിയാക് സര്ജറി സീനിയര് കണ്സള്ട്ടന്റ് ഡോ. എം.എം. യൂസഫിന്റെ നേതൃത്വത്തിലുള്ള കാര്ഡിയോവാസ്കുലാര് തൊറാസിക് സര്ജറി വിഭാഗത്തിലെ സര്ജിക്കല് ടീമാണ് അപൂര്വമായ ഈ ശസ്ത്രക്രിയ വിജയകരമായി പൂര്ത്തിയാക്കിയത്. കാര്ഡിയോവാസ്കുലാര് തൊറാസിക് സര്ജറി സീനിയര് കണ്സള്ട്ടന്റുമാരായ ഡോ. മനോജ് പി. നായര്, ഡോ. ജോര്ജ് വര്ഗ്ഗീസ് കുര്യന്, അസോസിയേറ്റ് കണ്സള്ട്ടന്റുമാരായ ഡോ. സബിന് സാം, ഡോ. ജിഷ്ണു പള്ളിയാനി, അനസ്തേഷ്യോളജി, പെയിന് മെഡിസിന് ആന്ഡ് ക്രിട്ടിക്കല് കെയര് സര്വീസസ് വിഭാഗത്തിലെ സീനിയര് കണ്സള്ട്ടന്റ് സുരേഷ് ജി. നായര് എന്നിവരും സംഘത്തില് ഉണ്ടായിരുന്നു.
ആസ്റ്റര് മെഡ്സിറ്റി സിഇഒ ഡോ. നളന്ദ ജയദേവ്, ആസ്റ്റര് മെഡ്സിറ്റി സിഒഒ ഡോ. ശുഹൈബ് കാദര്, ശസ്ത്രക്രിയക്ക് വിധേയയായ നിഷ പുരുഷോത്തമന്, ആസ്റ്റര് ഇന്സ്റ്റിറ്റ്യൂട്ട് ഓഫ് കാര്ഡിയാക് സയന്സസ് വിഭാഗം മേധാവി ഡോ. അനില്കുമാര് ആര്, കാര്ഡിയോവാസ്കുലാര് തൊറാസിക് സര്ജറി വിഭാഗം സീനിയര് കണ്സള്ട്ടന്റ് ഡോ. മനോജ് പി. നായര്, റോബോട്ടിക് കാര്ഡിയാക് സര്ജറി സീനിയര് കണ്സള്ട്ടന്റ് ഡോ. എം.എം. യൂസഫ്, കാര്ഡിയോവാസ്കുലാര് തൊറാസിക് സര്ജറി വിഭാഗം സീനിയര് കണ്സള്ട്ടന്റ് ഡോ. ജോര്ജ് വര്ഗ്ഗീസ് കുര്യന്, അനസ്തേഷ്യോളജി, പെയിന് മെഡിസിന് ആന്ഡ് ക്രിട്ടിക്കല് കെയര് സര്വീസസ് വിഭാഗത്തിലെ സീനിയര് കണ്സള്ട്ടന്റ് സുരേഷ് ജി. നായര് എന്നിവര് വാര്ത്താ സമ്മേളനത്തില് പങ്കെടുത്തു.
