സുസ്ഥിരവും ചക്രീയവുമായ തുണിത്തരങ്ങള്, സാങ്കേതിക തുണിത്തരങ്ങള്, എംഎസ്എംഇ സംയോജനം, നൂതനാശയങ്ങള്, ആഗോള വിപണിയിലേക്കുള്ള പ്രവേശനം എന്നിവയ്ക്കാണ് ഈ പതിപ്പില് പ്രത്യേക ശ്രദ്ധ നല്കുന്നത്.
ന്യൂഡല്ഹി: രാജ്യത്തിന്റെ മുന്നിര ആഗോള ടെക്സ്റ്റൈല് മേളയായ ഭാരത് ടെക്സ് 2026ന് കേന്ദ്ര ടെക്സ്റ്റൈല്സ് മന്ത്രി ഗിരിരാജ് സിംഗ് തുടക്കം കുറിച്ചു. ജൂലൈ 14 മുതല് 17 വരെ ന്യൂഡല്ഹിയിലെ ഭാരത് മണ്ഡപത്തിലാണ് ഭാരത് ടെക്സ് നടക്കുന്നത്. നാരുകള്, നൂല് മുതല് തുണിത്തരങ്ങള്, വസ്ത്രങ്ങള്, സുസ്ഥിര നൂതനാശയങ്ങള് വരെയുള്ള മുഴുവന് ടെക്സ്റ്റൈല് മൂല്യ ശൃംഖലയേയും ഒരുമിച്ച് കൊണ്ടുവരുന്ന ഏറ്റവും വലിയ ആഗോള പ്ലാറ്റ്ഫോമായാണ് ഭാരത് ടെക്സിനെ വിഭാവനം ചെയ്തിരിക്കുന്നതെന്ന് കേന്ദ്രമന്ത്രി ഗിരിരാജ് സിംഗ് പറഞ്ഞു. ഇതുവരെയുള്ളതില് വെച്ച് ഏറ്റവും വലുതും സമഗ്രവുമായ ടെക്സ്റ്റൈല്സ് പരിപാടിയായി ഭാരത് ടെക്സ് 2026 എന്നും കേന്ദ്രന്ത്രി വ്യക്തമാക്കി. ടെക്സ്റ്റൈല്സ് മന്ത്രാലയം സെക്രട്ടറി നീലം ഷമി റാവു, അഡീഷണല് സെക്രട്ടറി രോഹിത് കന്സാല് തുടങ്ങിയവരും ചടങ്ങില് പങ്കെടുത്തു. ഇതുവരെയുള്ളതില് വെച്ച് ഏറ്റവും വലുതും സ്വാധീനമുള്ളതുമായ പതിപ്പായിരിക്കും ഭാരത് ടെക്സ് 2026. ജൂലൈ 14 മുതല് 17 വരെ ന്യൂഡല്ഹിയിലെ ഭാരത് മണ്ഡപത്തില് നടക്കുന്ന മേളയില് 3,500ലധികം ബിസിനസ്സ് പ്രദര്ശകര്, 140ലധികം രാജ്യങ്ങളില് നിന്നുള്ള 7,000ത്തിലധികം അന്താരാഷ്ട്ര വാങ്ങലുകാര്, 1,30,000ത്തിലധികം വ്യാപാര സന്ദര്ശകര് എന്നിവരുടെ വലിയ തോതിലുള്ള പങ്കാളിത്തമാണ് പ്രതീക്ഷിക്കുന്നത്. നാരുകള്, നൂലുകള്, തുണിത്തരങ്ങള്, വസ്ത്രങ്ങള്, ഫാഷന്, ഗാര്ഹിക തുണിത്തരങ്ങള്, സാങ്കേതിക തുണിത്തരങ്ങള്, കരകൗശല വസ്തുക്കള്, കൈത്തറി, ബുദ്ധിപരമായ നിര്മ്മാണ സാങ്കേതികവിദ്യകള് എന്നിവയുള്പ്പെടെയുള്ള സമ്പൂര്ണ്ണ വസ്ത്രവ്യാപാര ആവാസവ്യവസ്ഥയെ ഈ പരിപാടിയില് പ്രദര്ശിപ്പിക്കും. 2024 ലും 2025 ലും നടന്ന മുന് പതിപ്പുകളുടെ ശക്തമായ വിജയത്തെ അടിസ്ഥാനമാക്കിയാണ് ഭാരത് ടെക്സ് 2026 രൂപകല്പ്പന ചെയ്തിരിക്കുന്നത്. ചര്ച്ചകളെ പ്രായോഗിക ഫലങ്ങളാക്കി മാറ്റുക എന്ന ലക്ഷ്യത്തോടെ പ്രദര്ശനങ്ങള്, വിജ്ഞാന സെഷനുകള്, റിവേഴ്സ് ബയര്സെല്ലര് മീറ്റുകള്, നയ സംഭാഷണങ്ങള് എന്നിവയുടെ സവിശേഷമായ സംഗമമായിരിക്കും. സുസ്ഥിരവും ചക്രീയവുമായ തുണിത്തരങ്ങള്, സാങ്കേതിക തുണിത്തരങ്ങള്, എംഎസ്എംഇ സംയോജനം, നൂതനാശയങ്ങള്, ആഗോള വിപണിയിലേക്കുള്ള പ്രവേശനം എന്നിവയ്ക്കാണ് ഈ പതിപ്പില് പ്രത്യേക ശ്രദ്ധ നല്കുന്നത്. ഇന്ത്യന് എം.എസ്.എം.ഇകള്, പ്രദര്ശകര്, സ്റ്റാര്ട്ടപ്പുകള്, അക്കാദമിക് മേഖലയിലുള്ളവര്, ഡിസൈനര്മാര് എന്നിവര്ക്ക് അവരുടെ ഏറ്റവും പുതിയ ടെക്സ്റ്റൈല് നൂതനാശയങ്ങള് പ്രദര്ശിപ്പിക്കാനും ആഗോള ഉത്പാദകരുമായും വാങ്ങുന്നവരുമായും ബന്ധപ്പെടാനും ഉന്നതതല ചര്ച്ചകളില് ഏര്പ്പെടാനും തന്ത്രപരമായ പങ്കാളിത്തം സ്ഥാപിക്കാനും ഈ പരിപാടി വേദിയൊരുക്കും. കേന്ദ്രസംസ്ഥാന സര്ക്കാരുകള് നടപ്പിലാക്കിയ പ്രധാന നയ സംരംഭങ്ങളും പരിഷ്കാരങ്ങളും പരിപാടിയില് പ്രദര്ശിപ്പിക്കും.
