ബ്ലോസം, മോംസ്‌കെയര്‍, പര്‍ സ്വാം, ബാങ്ക്ടെഷ് എന്നിവയുടെ സഹകരണത്തോടെയാണ് കേരളത്തിലെ ഏറ്റവും വലിയ ബി2ബി ഫാഷന്‍ ഇവന്റ് എന്ന് വിശേഷിപ്പിക്കപ്പെടുന്ന ഈ എക്സ്പോ സംഘടിപ്പിക്കുന്നത്.
കൊച്ചി: ഇന്ത്യന്‍ ഫാഷന്‍ ഫെയറിന്റെ മൂന്നാം പതിപ്പായ ‘ബോഡികെയര്‍ ഐഎഫ്എഫ് ഫാഷന്‍ എക്സ്പോ-2025’ ജനുവരി 7 മുതല്‍ 9 വരെ അങ്കമാലിയിലെ അഡ്ലക്സ് ഇന്റര്‍നാഷണല്‍ കണ്‍വെന്‍ഷന്‍ സെന്ററില്‍ നടക്കും. ജനുവരി ഏഴിന് രാവിലെ 11 മണിക്ക് മന്ത്രി മുഹമ്മദ് റിയാസ് എക്സ്പോ ഉദ്ഘാടനം ചെയ്യും. എം.എല്‍.എ റോജി എം.ജോണും ശീമാട്ടി ടെക്സ്‌റ്റൈല്‍സ് സി.ഇ.ഒ ബീന കണ്ണനും മുഖ്യാതിഥികളാകും. മുന്‍നിര ദേശീയ അന്തര്‍ദേശീയ ബ്രാന്‍ഡുകളെ ഒരു കുടക്കീഴില്‍ അണിനിരത്തുന്ന, 200ലേറെ എക്സിബിഷന്‍ സ്റ്റാളുകളുള്ള എക്‌സ്‌പോയില്‍ 5,000ലേറെ പേര്‍ പങ്കെടുക്കുമെന്നാണ് പ്രതീക്ഷ. ബ്ലോസം, മോംസ്‌കെയര്‍, പര്‍ സ്വാം, ബാങ്ക്ടെഷ് എന്നിവയുടെ സഹകരണത്തോടെയാണ് കേരളത്തിലെ ഏറ്റവും വലിയ ബി2ബി ഫാഷന്‍ ഇവന്റ് എന്ന് വിശേഷിപ്പിക്കപ്പെടുന്ന ഈ എക്സ്പോ സംഘടിപ്പിക്കുന്നത്.
ഒരു എക്സ്പോ എന്നതിലുപരി കേരളത്തിലെ ഫാഷന്‍ രംഗത്ത് സ്വാധീനം ചെലുത്തുന്ന ഒന്നാണ് ബോഡികെയര്‍ ഐഎഫ്എഫ് ഫാഷന്‍ എക്സ്പോ -2025 എന്ന് ഇന്ത്യന്‍ ഫാഷന്‍ ഫെയറിന്റെ ചെയര്‍മാന്‍ പി പി സാദിഖ് പറഞ്ഞു.രാജ്യത്തുടനീളമുള്ള പ്രമുഖ ബ്രാന്‍ഡുകളെയും ഇന്‍ഫ്‌ലുവേഴ്‌സിനെയും ആകര്‍ഷിക്കുന്ന ഐ.എഫ്.എഫ് തുടര്‍ച്ചയായി അതിന്റെ നിലവാരം ഉയര്‍ത്തുകയാണെന്നും അദ്ദേഹം കൂട്ടിച്ചേര്‍ത്തു.എക്സ്പോയുടെ ഭാഗമായി ജനുവരി 7ന് വൈകിട്ട് 4 മണിക്ക് വിവിധ ബ്രാന്‍ഡുകള്‍ അണിനിരക്കുന്ന ഫാഷന്‍ ഷോ ഉണ്ടായിരിക്കും. പ്രശസ്ത ഫാഷന്‍ കൊറിയോഗ്രാഫര്‍ ഷിബു ശിവയുടെ നേതൃത്വത്തില്‍ 20 ഓളം ടീമുകള്‍ റാംപിനെ അന്താരാഷ്ട്ര നിലവാരത്തിലേക്ക് ഉയര്‍ത്തും.
ജനുവരി 8 ന് വൈകിട്ട് 5 മണിക്ക് നടക്കുന്ന ഐഎഫ്എഫ് അവാര്‍ഡ് നൈറ്റ് ഹൈബി ഈഡന്‍ എം.പി ഉദ്ഘാടനം ചെയ്യും. സമാപന ദിവസമായ 9 ന് സാംസ്‌കാരിക പരിപാടികളുണ്ടായിരിക്കും.സമീര്‍ മൂപ്പന്‍ (കണ്‍വീനര്‍), ഷാനിര്‍ ജെ (വൈസ് ചെയര്‍മാന്‍), ഷാനവാസ് പി.വി (ജോയിന്റ് കണ്‍വീനര്‍), ഷഫീഖ് പി.വി (പ്രോഗ്രാം ഡയറക്ടര്‍) എന്നിവരും വാര്‍ത്താ സമ്മേളനത്തില്‍ പങ്കെടുത്തു.
