പുതിയ എഐ പിസികള്‍ അവതരിപ്പിച്ച് എച്ച്പി

കൊച്ചി : പുതുതലമുറ എഐ പിസികളുടെ ശ്രേണി എച്ച്പി പുറത്തിറക്കി . വലിയ സംരംഭങ്ങള്‍, സ്റ്റാര്‍ട്ടപ്പുകള്‍, റീട്ടെയില്‍ ഉപഭോക്താക്കള്‍ എന്നിവര്‍ക്കായാണ് എച്ച്പി എലൈറ്റ്ബുക്ക്, എച്ച്പി പ്രോബുക്ക്, എച്ച്പി ഓമ്‌നിബുക്ക് ശ്രേണികള്‍ രൂപകല്‍പ്പന ചെയ്തിരിക്കുന്നത്. ഇന്റല്‍ കോര്‍ അള്‍ട്രാ 200 വി സീരീസ്, എഎംഡി റൈസണ്‍ എഐ 300 സീരീസ്, ക്വാല്‍കോം സ്‌നാപ്ഡ്രാഗണ്‍ എക്‌സ്, എക്‌സ് എലൈറ്റ്, എക്‌സ് പ്ലസ്, എന്നീ പ്രോസസ്സറുകളാണ് ഈ ശ്രേണിയിലുപയോഗിച്ചിരിക്കുന്നത്.

എച്ച്പി എഐ കമ്പാനിയന്‍, പോളി ക്യാമറ പ്രോ ഫീച്ചറുകള്‍, പോളി ഓഡിയോയിലൂടെയുള്ള ഓഡിയോ ട്യൂണിംഗ്, മൈ എച്ച്പി പ്ലാറ്റ്‌ഫോം എന്നിങ്ങനെയുള്ള മികച്ച എഐ ഫീച്ചറുകള്‍ പുതിയ ശ്രേണിയുടെ പ്രത്യേകതകളാണെന്ന് കമ്പനി അധികൃതര്‍ വ്യക്തമാക്കി. വിഷ്വല്‍ ഹാക്കിംഗ് തടയാനും സെന്‍സിറ്റീവ് ഡാറ്റ സ്വകാര്യമായി സൂക്ഷിക്കാനും ഇവയിലെ സുരക്ഷാ ഫിച്ചറുകള്‍ സഹായിക്കും. കൂടാതെ ദീര്‍ഘമായ ബാറ്ററി ലൈഫ്, തടസ്സമില്ലാത്ത മള്‍ട്ടിടാസ്‌കിംഗ് എന്നിവയും പുതിയ എച്ച്പി എഐ പിസി ശ്രേണി വാഗ്ദാനം നല്‍കുന്നുണ്ട്.

എച്ച് പി എലൈറ്റ്ബുക്ക് 8 ജി1 ഐക്ക്  1,46,622 രൂപയാണ് പ്രാരംഭ വില, എലൈറ്റ്ബുക്ക് 6 ജി1 ക്യൂവിന് 87,440 രൂപയും പ്രോ ബുക്ക് 4 ജി1 ക്യൂവിന് 77,200 രൂപയുമാണ് പ്രാരംഭ വിലകള്‍. ഇവ എച്ച്പി ഓണ്‍ലൈന്‍ സ്‌റ്റോറില്‍ നിന്നും ഓര്‍ഡര്‍ ചെയ്യാവുന്നതാണ്. എച്ച് പി ഓമ്‌നിബുക്ക് അള്‍ട്രാ 14ന് 186,499 രൂപയും, ഒമ്‌നിബുക്ക് എക്‌സ്ഫഌപ്പ് 14ന് 114,999 രൂപയും, ഒമ്‌നിബുക്ക് 7 എയ്‌റോ 13ന് 87,499 രൂപയും  ഒമ്‌നിബുക്ക് 5 16ന് 78,999 രൂപയുമാണ് പ്രാരംഭ വിലകള്‍. ഇവ എച്ച്പി വേള്‍ഡ് സ്‌റ്റോറിലും ഓണ്‍ലൈന്‍ സ്‌റ്റോറിലും ലഭ്യമാണ്. എച്ച് പി എലൈറ്റ്ബുക്ക് 8 ജി1 എ, 6 ജി1 എ എന്നിവ എച്ച്പി ഓണ്‍ലൈന്‍ സ്‌റ്റോറില്‍ ഉടന്‍ ലഭ്യമാകും.