.’ഹാര്‍ട്ട് ഫെയിലര്‍ ആന്റ് അനസ്‌തേഷ്യ എന്ന പ്രമേയത്തെ അടിസ്ഥാനമാക്കി അയാക്ടാ കൊച്ചിന്‍ ചാപ്റ്ററിന്റെ നേതൃത്വത്തിലാണ് സമ്മേളനം നടക്കുന്നതെന്ന് അയാക്ടാകോണ്‍ 2025 ഓര്‍ഗനൈസിംഗ് ചെയര്‍മാന്‍ ഡോ.ജേക്കബ്ബ് എബ്രഹാം, സെക്രട്ടറി ഡോ. ജോയല്‍ ദേവസ്യാ, ട്രഷറര്‍ ഡോ. സഞ്ജീവ് തമ്പി എന്നിവര്‍ പറഞ്ഞു.
കൊച്ചി: ഇന്ത്യയിലെ കാര്‍ഡിയാക് അനസ്‌തേഷ്യ ഡോക്ടര്‍മാരുടെ സംഘടനയായ ഇന്ത്യന്‍ അസോസിയേഷന്‍ ഓഫ് കാര്‍ഡിയോവാസ്‌കുലര്‍ തൊറാസിക് അനസ്‌തേഷ്യോളജിസ്റ്റ്‌സ് (അയാക്ടാ) ന്റെ 28ാമത് ദേശീയ സമ്മേളനം ‘ അയാക്ടാകോണ്‍ 2025 ‘ ഫെബ്രുവരി 21 മുതല്‍ 23 വരെ കലൂര്‍ ഐ.എം.എ ഹൗസില്‍ നടക്കും.’ഹാര്‍ട്ട് ഫെയിലര്‍ ആന്റ് അനസ്‌തേഷ്യ എന്ന പ്രമേയത്തെ അടിസ്ഥാനമാക്കി അയാക്ടാ കൊച്ചിന്‍ ചാപ്റ്ററിന്റെ നേതൃത്വത്തിലാണ് സമ്മേളനം നടക്കുന്നതെന്ന് അയാക്ടാകോണ്‍ 2025 ഓര്‍ഗനൈസിംഗ് ചെയര്‍മാന്‍ ഡോ.ജേക്കബ്ബ് എബ്രഹാം, സെക്രട്ടറി ഡോ. ജോയല്‍ ദേവസ്യാ, ട്രഷറര്‍ ഡോ. സഞ്ജീവ് തമ്പി എന്നിവര്‍ പറഞ്ഞു.
ഫെബ്രുവരി 21ന് വൈകിട്ട് ആറിന് കേരള ഹൈക്കോടതി ജഡ്ജി ജസ്റ്റിസ് ദേവന്‍ രാമചന്ദ്രന്‍ സമ്മേളനം ഉദ്ഘാടനം ചെയ്യും. ഹൃദയം, ശ്വാസകോശം മാറ്റിവെയ്ക്കല്‍, ഹൃദ്രോഗ ശസ്ത്രക്രിയകള്‍, അനസ്‌തേഷ്യ, തീവ്രപരിചരണം, അനസ്‌തേഷ്യ മേഖലയില്‍ ഉപയോഗിക്കുന്ന അതിനൂതന സാങ്കേതിക വിദ്യകള്‍, പ്രയോഗരീതികള്‍, ഗവേഷണങ്ങള്‍, കണ്ടുപിടുത്തങ്ങള്‍ ഉള്‍പ്പെടെയുള്ളവയില്‍ ഇന്ത്യയില്‍ നിന്നു കൂടാതെ വിദേശരാജ്യങ്ങളില്‍ നിന്നുള്ള 20 ലധികം വിദഗ്ദരായ ഡോക്ടര്‍മാരും സമ്മേളനത്തില്‍ പ്രഭാഷണം നടത്തും. രാജ്യത്തിന്റെ വിവിധ സംസ്ഥാനങ്ങളില്‍ നിന്നായി 600 ഓളം ഡോക്ടര്‍മാര്‍ സമ്മേളനത്തില്‍ പ്രതിനിധികളായി എത്തും. സമ്മേളനത്തിന് മുന്നോടിയായി ഫെബ്രുവരി 19, 20 തിയതികളിലായി ഡോക്ടര്‍മാര്‍ക്കും മെഡിക്കല്‍ വിദ്യാര്‍ഥികള്‍ക്കുമായി ഹൃദയസംബന്ധമായ വിവിധ വിഷയങ്ങളില്‍ ശില്‍പ്പശാലകളും നടക്കുമെന്നും സംഘാടക സമിതി ഭാരവാഹികള്‍ വ്യക്തമാക്കി.
