കാഞ്ഞിരപ്പള്ളിയിലെ പുതിയ സര്‍വീസ് ഫെസിലിറ്റിയുടെ ഉദ്ഘാടനം ഇഞ്ചിയോണ്‍ കിയ ഡയറക്ടര്‍മാരായ സെബ മുഹമ്മദ് ബാബു, നയീം ഷാഹുല്‍ എന്നിവര്‍ ചേര്‍ന്ന് നിര്‍വഹിച്ചു.
കാഞ്ഞിരപ്പള്ളി: കോട്ടയം കാഞ്ഞിരപ്പള്ളിയിലേക്കും തങ്ങളുടെ സേവനങ്ങള്‍ വിപുലീകരിച്ച് ഇഞ്ചിയോണ്‍ കിയ. കാഞ്ഞിരപ്പള്ളിയിലെ പുതിയ സര്‍വീസ് ഫെസിലിറ്റിയുടെ ഉദ്ഘാടനം ഇഞ്ചിയോണ്‍ കിയ ഡയറക്ടര്‍മാരായ സെബ മുഹമ്മദ് ബാബു, നയീം ഷാഹുല്‍ എന്നിവര്‍ ചേര്‍ന്ന് നിര്‍വഹിച്ചു. പാറത്തോട് ഗ്രാമപഞ്ചായത് പ്രസിഡന്റ് കെ.കെ ശശികുമാര്‍, വാര്‍ഡ് മെമ്പര്‍മാരായ കെ.എ സിയാദ്, സിന്ധു മോഹനന്‍ എന്നിവരും ചടങ്ങില്‍ സന്നിഹിതരായി. ഇഞ്ചിയോണ്‍ കിയയുടെ പത്തൊമ്പതാമത്തെ ഫെസിലിറ്റിയാണ് കാഞ്ഞിരപ്പള്ളി 26 ാം മൈലില്‍ പ്രവര്‍ത്തനമാരംഭിച്ചിരിക്കുന്നത്.
കാഞ്ഞിരപ്പള്ളിയിലും സമീപ പ്രദേശങ്ങളിലുമുള്ള കിയ ഉപഭോക്താക്കള്‍ക്ക് ലോകോത്തര നിലവാരത്തിലുള്ള സര്‍വ്വീസും മറ്റ് ഉപഭോക്തൃ സേവനങ്ങളും ഉറപ്പുനല്‍കുന്നതിന്റെ ഭാഗമായാണ് ഇഞ്ചിയോണ്‍ കിയയുടെ ഈ വിപുലീകരണം. അത്യാധുനിക സംവിധാനങ്ങളും മികച്ച പരിശീലനം ലഭിച്ച അനുഭവ സമ്പന്നരായ ജീവനക്കാരും അടങ്ങുന്ന ഈ പുതിയ ഫെസിലിറ്റിയിലൂടെ ഏറ്റവും മികച്ച സേവനങ്ങള്‍ തന്നെ ഉപഭോക്താക്കള്‍ക്ക് ഇഞ്ചിയോണ്‍ കിയ ഉറപ്പുനല്‍കുന്നു. 14200 സ്‌ക്വയര്‍ ഫീറ്റോളം വിസ്തൃതിയില്‍ സജ്ജമാക്കിയിരിക്കുന്ന ഈ ഫെസിലിറ്റിയില്‍ വൈകാതെ കിയ മോഡലുകളുടെ വില്‍പ്പനയും ആരംഭിക്കും. കൂടാതെ കിയ വാഹനങ്ങളുടെ ടെസ്റ്റ് ഡ്രൈവിന് താത്പര്യമുള്ളവര്‍ക്ക് അതിനുള്ള സൗകര്യങ്ങളുമുണ്ട്.
