കെ.എസ്.എസ്.ഐ.എ.യുടെ ഇരുപതോളം അഫിലിയേറ്റഡ് സംഘടനകളും ഇന്ത്യ ഇന്റര്നാഷണല് ഇന്ഡസ്ട്രിയല് എക്സ്പോയുമായി സഹകരിക്കും
കൊച്ചി: ഇന്ത്യ ഇന്റര്നാഷണല് ഇന്ഡസ്ട്രിയല് എക്സിബിഷന്റെ രണ്ടാമത് എഡിഷന് 2026 ജനുവരി 16 മുതല് 18 വരെ കൊച്ചി അഡ്ലക്സ് ഇന്റര്നാഷണല് എക്സിബിഷന് സെന്ററില് നടക്കും. കേരള സ്റ്റേറ്റ് സ്മാള് ഇന്ഡസ്ട്രീസ് അസോസ്സിയേഷന് (കെ.എസ്.എസ്.ഐ.എ.), മെട്രോ മാര്ട്ട് എന്നിവയുടെ ആഭിമുഖ്യത്തില് കേരള സര്ക്കാര് വ്യവസായ വകുപ്പിന്റെയും എം.എസ്.എം.ഇ. മന്ത്രാലയം ഭാരത സര്ക്കാരിന്റെയും സഹകരണത്തോടെയാണ് മൂന്നു ദിവസം നീളുന്ന വ്യാവസായിക മേള കേരളത്തില് സംഘടിപ്പിക്കുന്നത്. കെ.എസ്.എസ്.ഐ.എ.യുടെ ഇരുപതോളം അഫിലിയേറ്റഡ് സംഘടനകളും ഇന്ത്യ ഇന്റര്നാഷണല് ഇന്ഡസ്ട്രിയല് എക്സ്പോയുമായി സഹകരിക്കും.രാജ്യത്തിനകത്തും പുറത്തുനിന്നുമുള്ള അഞ്ഞൂറോളം പ്രമുഖരായ മെഷിനറി നിര്മ്മാതാക്കള് തങ്ങളുടെ ഉല്പന്നങ്ങളും മെഷിനറികളും മേളയില് പ്രദര്ശിപ്പിക്കും.
കേരളം, കര്ണാടകം, തമിഴ്നാട്, മഹാരാഷ്ട്ര, ഗുജറാത്ത്, ഹരിയാന, ഡല്ഹി, ഉത്തര് പ്രദേശ്, ആന്ധ്ര പ്രദേശ്, പഞ്ചാബ് തുടങ്ങിയ സംസ്ഥാനങ്ങളില് നിന്നുള്ള മെഷിന് നിര്മ്മാതാക്കളും ചൈന, യു.കെ., യുണൈറ്റഡ് അറബ് എമിറേറ്റ്സ്, ജര്മ്മനി, കൊറിയ, ജപ്പാന് തുടങ്ങിയ രാജ്യങ്ങളില് നിന്നുള്ള മെഷിന് നിര്മ്മാതാക്കളുടെ പ്രതിനിധികളും മേളയില് അണിനിരക്കും. വിവിധ വിഷയങ്ങളെ ആസ്പദമാക്കിയുള്ള സെമിനാറുകള്, പ്രസന്റേഷനുകള്, പുതിയ ഉല്പന്നങ്ങളുടെ ഉദ്ഘാടനം, സംവാദങ്ങള് തുടങ്ങിയവയും മേളയുടെ ഭാഗമായി സംഘടിപ്പിക്കും. ബയര് സെല്ലര് മീറ്റീംഗുകള്, വെന്റര് ഡെവലപ്പ്മെന്റ് പ്രോഗ്രാമുകള് തുടങ്ങിയവും മൂന്നു ദിവസങ്ങളിലായി സംഘടിപ്പിക്കുമെന്ന്
്ഇന്ത്യ ഇന്റര്നാഷണല് ഇന്ഡസ്ട്രിയല് എക്സിബിഷന് സംഘാടക സമിതി ചെയര്മാന് കെ.പി.രാമചന്ദ്രന് നായര് പറഞ്ഞു. രജിസ്ട്രേഷനും കൂടുതല് വിവരങ്ങള്ക്കും ംംം.ശശശല.ശി എന്ന വെബ്സൈറ്റ് സന്ദര്ശിക്കുക. ഫോണ് 9947733339 /9995139933. ഇമെയില് info@iiie.in
