ഏറ്റവും ഉയര്ന്ന മൈലേജ് നേടൂ, ഇല്ലെങ്കില് ട്രക്ക് തിരികെ നല്കൂ എന്ന മഹീന്ദ്രയുടെ അതുല്യ ഗ്യാരന്റിയോടെയാണ് ലൈറ്റ് കൊമേഴ്സ്യല് വെഹിക്കിള് ട്രക്കുകളുടെ ആധുനിക ശ്രേണിയായ മഹീന്ദ്ര ഫ്യൂരിയോ 8 എത്തുന്നത്.
കൊച്ചി: മഹീന്ദ്ര ഗ്രൂപ്പിന്റെ ഭാഗമായ മഹീന്ദ്രാസ് ട്രക്ക് ആന്ഡ് ബസ് ബിസിനസ് (എംടിബി), എല്സിവി വിഭാഗത്തില് പുതിയ മഹീന്ദ്ര ഫ്യൂരിയോ 8 വിപണിയില് അവതരിപ്പിച്ചു. ഏറ്റവും ഉയര്ന്ന മൈലേജ് നേടൂ, ഇല്ലെങ്കില് ട്രക്ക് തിരികെ നല്കൂ എന്ന മഹീന്ദ്രയുടെ അതുല്യ ഗ്യാരന്റിയോടെയാണ് ലൈറ്റ് കൊമേഴ്സ്യല് വെഹിക്കിള് ട്രക്കുകളുടെ ആധുനിക ശ്രേണിയായ മഹീന്ദ്ര ഫ്യൂരിയോ 8 എത്തുന്നത്. മഹാരാഷ്ട്രയിലെ ചക്കാനിലുള്ള മഹീന്ദ്രയുടെ ലോകോത്തര പ്ലാന്റിലാണ് നിര്മാണം. എല്സിവി വിഭാഗത്തിലെ വൈവിധ്യമാര്ന്ന ബിസിനസ് ആവശ്യകതകള് നിറവേറ്റുന്ന തരത്തില് 4ടയര് കാര്ഗോ, 6ടയര് കാര്ഗോ എന്നിങ്ങനെ രണ്ട് വകഭേദങ്ങളിലാണ് മഹീന്ദ്ര ഫ്യൂരിയോ 8 വരുന്നത്. മികച്ച ഇന്ക്ലാസ് മൈലേജ്, ഉയര്ന്ന പേലോഡ് ശേഷി, സുഖമമായ റൈഡിനും സുരക്ഷക്കുമായി അത്യാധുനിക ക്യാബിന് എന്നിവയും ഫ്യൂരിയോ 8 വാഗ്ദാനം ചെയ്യുന്നു.
6 ടയറുകളില് 22 അടി ലോഡ് ബോഡിയും, 4 ടയറുകളില് 20 അടി ലോഡ് ബോഡിയും വാഗ്ദാനം ചെയ്യുന്ന ഇന്ത്യയിലെ ആദ്യത്തെ എല്സിവി കൂടിയാണിത്. കൂടുതല് ലോഡ് വഹിക്കാന് മഹീന്ദ്ര ഫ്യൂരിയോ 8ന് ഏഴടി വീതിയുള്ള ലോഡിങ് ഏരിയയും ഉണ്ട്. ഇരട്ട സര്വീസ് ഗ്യാരണ്ടിയാണ് മറ്റൊരു സവിശേഷത. 400ലധികം ടച്ച്പോയിന്റുകളിലൂടെ പുതിയ ട്രക്ക് നിരയുടെ സര്വീസ് ലഭ്യമാവും. ലൊക്കേഷന് ട്രാക്കിങ്, ജിയോ ഫെന്സിങ്, ഫുറ്റ് ഡാഷ്ബോര്ഡുകള് തുടങ്ങിയവ സാധ്യമാക്കുന്ന ഇന്ത്യയിലെ ഏറ്റവും നൂതന ടെലിമാറ്റിക്സ് സാങ്കേതികവിദ്യയായ മഹീന്ദ്ര ഐമാക്സും ഫ്യൂരിയോ 8ല് സജ്ജീകരിച്ചിട്ടുണ്ട്. എല്ലാ സാഹചര്യങ്ങളിലും മികച്ച മൈലേജ് ഉറപ്പാക്കുന്ന ഡ്യുവല് മോഡ് ഫ്യൂവല്സ്മാര്ട്ട് സാങ്കേതികവിദ്യയുള്ള മഹീന്ദ്രയുടെ പ്രശസ്തമായ എംഡിഐ ടെക് എഞ്ചിനാണ് മഹീന്ദ്ര ഫ്യൂരിയോ 8 എല്സിവികള്ക്ക് കരുത്ത് പകരുന്നതെന്ന് മഹീന്ദ്ര ഗ്രൂപ്പിന്റെ ഗ്രൂപ്പ് എക്സിക്യൂട്ടീവ് ബോര്ഡ് അംഗവും ട്രക്ക്സ്, ബസസ്, സിഇ, എയ്റോസ്പേസ് ആന്ഡ് ഡിഫന്സ് പ്രസിഡന്റുമായ വിനോദ് സഹായ് പറഞ്ഞു. നല്ല ഒരു ഫോട്ടോ തരു ബ്രദര്
