എന്നാല്‍ ഗാഡ്ജറ്റുകളുടെ അമിതമായ ഉപയോഗം ശരീരത്തെയും മനസ്സിനെയും ബാധിക്കുന്നു. പഠനങ്ങള്‍ പ്രകാരം, ആധുനിക ഗാഡ്ജറ്റുകള്‍ കൂടുതലായി ഉപയോഗിക്കുന്നത് കുട്ടികളാണ്. പ്രൈമറി സ്‌കൂളുകളിലെ വിദ്യാര്‍ത്ഥികള്‍ പ്രായം കൂടുന്തോറും ഇവയില്‍ ആശ്രയം തേടുന്നു. ഇതിന്റെ ഫലമായി ശ്രദ്ധക്കുറവ്, പഠനത്തിലെ ബുദ്ധിമുട്ട്, ഉത്കണ്ഠ തുടങ്ങിയ പ്രശ്‌നങ്ങള്‍ ഉയരുന്നു. വിദ്യാര്‍ത്ഥികള്‍ ദിവസേന വിനോദത്തിനും സാമൂഹിക മാധ്യമങ്ങള്‍ക്കുമായി ഗാഡ്ജറ്റുകള്‍ കൂടുതലായി ഉപയോഗിക്കുന്നതും നിരവധി ശാരീരിക, മാനസിക പ്രശ്‌നങ്ങള്‍ക്ക് കാരണമാകുന്നതുമാണ്. അമിതമായി സ്രീനില്‍ നോക്കുന്നതു കാരണം അത് നമ്മള്‍ടെ കണ്ണുകളെ ബാധിക്കുകയും , ബുദ്ധിമുട്ടുകള്‍ ഉണ്ടാവുകയും, കണ്ണിനു ചുവപ്പ് നിറം വരുകയും കൂടാതെ അത് നമ്മള്‍ടെ കാഴ്ച്ചയെ വരെ ബാധിക്കുകയും ചെയ്യുന്നു. ഗാഡ്ജ്‌സ്റ്റുകളുടെ ഉപയോഗം ഉറക്കമില്ലായിമയിക്കും കഴുത്ത് വേദനയ്ക്കും കാരണമാകുന്നു എന്ന് പഠനറിപ്പോര്‍ട്ടുകള്‍ പറയുന്നു. മാനസികമായ ആരോഗ്യ പ്രശ്‌നങ്ങള്‍ക്കും ഇത് വഴിയൊരുക്കുന്നു. അമിതമായ ഉുയോഗം കാരണം ഉത്കണ്ഠയും വിഷാദവും വര്‍ദ്ധിക്കുകയും , അത് നമ്മളുടെ ശ്രദ്ധാശക്തിയെ കുറയ്ക്കുകയും ചെയ്യുന്നു. വേഗതയേറിയ ഡിജിറ്റല്‍ ലോകത്ത് വളരെ ദൈര്‍ഘ്യം കുറഞ്ഞ ഉള്ളടക്കം കണ്ടുവരുന്നതിനാല്‍ നമ്മളുടെ ശ്രദ്ധ കേന്ദ്രീകരിക്കാനുള്ള കഴിവിനെ ബാധിക്കുകയും ചെയ്യുന്നു. അത് ഓര്‍മ്മകള്‍ രൂപപ്പെടുത്താനും നിലനിര്‍ത്താനുള്ള കഴിവിനെ ഇല്ലാതാക്കാം. ദേഷ്യവും , തീരുമാനമെടുക്കാനുള്ള ബുദ്ധിമുട്ടും , ലളിതമായ ജോലി പോലും ചെയ്യാന്‍ കഴിയാതെ വരുന്നതും, മറവിയും എന്നിവയെല്ലാം ഇതിന് കാരണമാകുന്നുവെന്ന് ആരോഗ്യവിദ്ധക്തര്‍ ചൂണ്ടികാട്ടുന്നു.  അതിനാല്‍ ഗാഡ്ജറ്റുകളുടെ ഉപയോഗം നിയന്ത്രണത്തിലാക്കുകയും അതിനായി സമയപരിധി നിശ്ചയിക്കുകയും ചെയ്യുന്നത് അനിവാര്യമാണ്. കൂടാതെ മാതാപിതാക്കള്‍ അവരുടെ  കുട്ടികളുടെ ഗാഡ്ജെറ്റ് ഉപയോഗം  നിയന്ത്രിക്കാനുള്ള ഏറ്റവും വലിയ ഉത്തരവാദിത്തവും  ഏറ്റെടുക്കേണ്ടതാണ്.