പുതിയ ഗെയ്മിംഗ് ലാപ്‌ടോപിന്റെ വില 1,44,990 രൂപ മുതല്‍ ആരംഭിക്കുന്നു
കൊച്ചി : ഇന്ത്യയുടെ ഒന്നാം നമ്പര്‍ ഗെയിമിംഗ് ബ്രാന്‍ഡായ റിപ്പബ്ലിക് ഓഫ് ഗെയിമേഴ്‌സിന്റെ (ആര്‍ഒജി) ആസ്ഥാനമായ അസൂസ് ഇന്ത്യ ഉയര്‍ന്ന പ്രകടനം കാഴ്ചവയ്ക്കുന്ന അഞ്ച് പുതിയ മോഡലുകള്‍ പുറത്തിറക്കി. ഇത് ആര്‍ഒജി, ടിയുഎഫ് ഉല്‍പ്പന്ന നിരയെ കൂടുതല്‍ ശക്തിപ്പെടുത്തുന്നു. പ്രീമിയം അനുഭവത്തില്‍ വിട്ടുവീഴ്ച ചെയ്യാതെയും ഗെയിംപ്ലേയ്ക്കും സര്‍ഗ്ഗാത്മകമായ ഉള്ളടക്ക നിര്‍മ്മാണത്തിനും ഉയര്‍ന്ന നിലവാരമുള്ള അപ്‌ഗ്രേഡ് ലഭിക്കുന്നുണ്ടെന്ന് ഉറപ്പാക്കിയും ഉയര്‍ന്ന പ്രകടനം കാഴ്ചവയ്ക്കുന്ന ഗെയിമിംഗിലേക്ക് പുതുമുഖങ്ങളെ സ്വാഗതം ചെയ്യുന്നതിനായാണ് ഈ ഉപകരണങ്ങള്‍ ശ്രദ്ധാപൂര്‍വ്വം രൂപകല്‍പ്പന ചെയ്തിരിക്കുന്നതെന്ന് കമ്പനി അധികൃതര്‍ വ്യക്തമാക്കി.
ടിയുഎഫ് ഗെയിമിംഗ് എ16, ടിയുഎഫ് ഗെയിമിംഗ് എഫ്16 എന്നിവ എന്‍വിഡിഐഎ ജിഫോഴ്‌സ് ആര്‍ടിഎക്‌സ്™ 5070 ജിപിയുകള്‍ വരെ സവിശേഷമായ പ്രകടനവും ദൃഢമായ ഈടുനില്‍പ്പും നല്‍കുന്നു. 2025 എന്‍വിഡിഐഎ ജിപിയു ശ്രേണി നല്‍കുന്ന അടുത്ത തലമുറ മോഡലുകള്‍ അവതരിപ്പിച്ചുകൊണ്ട് അസൂസ് ഗെയിമിംഗ് നവീകരണത്തെ മുന്നോട്ട് കൊണ്ടുപോകുന്നത് തുടരുന്നു. അതില്‍ ആര്‍ഒജി സിഫൈറസ് ജി14 ആര്‍ടിഎക്‌സ് 5060 ആര്‍ഒജി സ്ട്രിക്‌സ് ജി16 എന്നിവ ആര്‍ടിഎക്‌സ് 5070,5060 വേരിയന്റുകള്‍ക്കൊപ്പം ഉള്‍പ്പെടുന്നു. ഈ വിപുലീകരിച്ച ശ്രേണി ഉപയോഗിച്ച്, അസൂസ് ആര്‍ഒജി ഗെയിമിംഗ് മികവിനെ പുനര്‍നിര്‍വചിക്കുകയും ഓരോ ഗെയിമര്‍ക്കും അനുയോജ്യമായ ഉയര്‍ന്ന തലത്തിലുള്ള പ്രകടനം, നൂതന സാങ്കേതികവിദ്യ, ആകര്‍ഷണീയമായ അനുഭവം എന്നിവ വാഗ്ദാനം ചെയ്യുകയും ചെയ്യുന്നു. പുതിയ ഗെയ്മിംഗ് ലാപ്‌ടോപിന്റെ വില 1,44,990 രൂപ മുതല്‍ ആരംഭിക്കുന്നു
