ന്യൂറോ ഡൈവേര്‍ജെന്റ് ആയിട്ടുള്ള കുട്ടികളുടെ വിദ്യാഭ്യാസം ലളിതമാക്കുന്നതിന് വേണ്ടി സാങ്കേതികവിദ്യയുടെ സഹായത്തോടെ നടപ്പിലാക്കുന്ന പദ്ധതിയാണിത്.
കൊച്ചി: എറണാകുളം അങ്കമാലി അതിരൂപതാ സാമൂഹ്യ പ്രവര്‍ത്തന വിഭാഗമായ സഹൃദയ , എക്‌സപ്ഷണല്‍ ലേണിങ്ങുമായി സഹകരിച്ച് നടപ്പിലാക്കുന്ന ഡിജിറ്റലൈസിംഗ് എജ്യുക്കേഷന്‍ ഇന്‍ സ്‌പെഷ്യല്‍ സ്‌കൂള്‍സ് പ്രോജക്റ്റിന്റെ ഉദ്ഘാടനം ഇന്‍ഫോപാര്‍ക്ക് സിഇഒ സുശാന്ത് കുറുന്തില്‍ നിര്‍വഹിച്ചു.പൊന്നുരുന്നി കാമ്പസ്സില്‍ എറണാകുളം ജില്ല സാമൂഹ്യനീതി വകുപ്പ് ഓഫീസര്‍ സിനോ സേവി അധ്യക്ഷത വഹിച്ചു. എയ്ഡ് ചെയര്‍മാന്‍ ഫാ. റോയി മാത്യു വടക്കേല്‍ സ്‌കൂളുകള്‍ക്കുള്ള വെര്‍ജ് ടാബ് വിതരണോദ്ഘാടനം നിര്‍വഹിച്ചു.
സഹൃദയ എക്‌സിക്യൂട്ടീവ് ഡയറക്ടര്‍ ഫാ. ജോസഫ് കൊളുത്തുവെള്ളില്‍, എക്‌സപ്ഷണല്‍ ലേണിങ്ങ് സിഇഒ ആന്‍ഡ് ഫൗണ്ടര്‍ ഡോ. ജിനോ ആരുഷി, സഹൃദയ അസി. ഡയറക്ടര്‍ ഫാ. സിബിന്‍ മനയമ്പിള്ളി , ഫാ. ക്ലീറ്റസ് ടോം സി.എം.ഐ , ഫാ. തോമസ് സി.ടി, സിസ്റ്റര്‍ സുദീപ എഫ്.സി.സി, സിസ്റ്റര്‍ ഏയ്ഞ്ചല്‍ സി.എം.സി, സിസ്റ്റര്‍ ജെസ്സിമോള്‍ തോമസ്, സിസ്റ്റര്‍ ജുബി മാത്യു, കെ.എം ജോര്‍ജ് എന്നിവര്‍ സംസാരിച്ചു.
ന്യൂറോ ഡൈവേര്‍ജെന്റ് ആയിട്ടുള്ള കുട്ടികളുടെ വിദ്യാഭ്യാസം ലളിതമാക്കുന്നതിന് വേണ്ടി സാങ്കേതികവിദ്യയുടെ സഹായത്തോടെ നടപ്പിലാക്കുന്ന പദ്ധതിയാണിത്. വെര്‍ജ് ടാബ് എന്ന ഡിജിറ്റല്‍ നോട്ബുക്ക് ആണ് ഇതിനായി വിതരണം ചെയ്യുന്നതെന്ന് സഹൃദയ ഡയറക്ടര്‍ ഫാ. ജോസ് കൊളുത്തുവെള്ളില്‍ പറഞ്ഞു.ഭിന്നശേഷി മേഖലയില്‍ പ്രവര്‍ത്തിക്കുന്ന തെരഞ്ഞെടുക്കപ്പെട്ട സ്‌പെഷ്യല്‍ സ്‌കൂളുകള്‍ക്കാണ് വെര്‍ജ് ടാബുകള്‍ വിതരണം ചെയ്തത്.
