എം സീരീസിന്റെ ഇരട്ട പാരമ്പര്യമായ അസാമാന്യ പുതുമകളും പ്രകടനവുമായാണ് ഗ്യാലക്‌സി എം16 5ജി, ഗാലക്‌സി എം06 5ജി എന്നിവ വിപണിയിലെത്തുന്നതെന്നും അക്ഷയ് എസ് റാവു പറഞ്ഞു.
ഗുരുഗ്രാം: ഗ്യാലക്‌സി എം16 5ജി, ഗ്യാലക്‌സി എം06 5ജി എന്നിവ പുറത്തിറക്കുന്നതായി സാംസങ് പ്രഖ്യാപിച്ചു. രൂപഭംഗിയുടെയും അത്യാധുനിക മാറ്റത്തിന്റെയും ആകര്‍ഷകമായ സംയോജനം വാഗ്ദാനം ചെയ്യുന്നതാണ് ജനപ്രിയ ഗ്യാലക്‌സി എം സീരീസിലേക്കുള്ള ഏറ്റവും പുതിയ കൂട്ടിച്ചേര്‍ക്കലുകളെന്നും ഓരോ ഉപഭോക്താവിനും പുതിയ സാധ്യതകള്‍ കൂടി ഈ ഡിവൈസുകള്‍ ഉറപ്പാക്കുന്നുവെന്നും സാംസങ് ഇന്ത്യ, എംഎക്‌സ് ബിസിനസ് ജനറല്‍ മാനേജര്‍ അക്ഷയ് എസ് റാവു പറഞ്ഞു.എം സീരീസിന്റെ ഇരട്ട പാരമ്പര്യമായ അസാമാന്യ പുതുമകളും പ്രകടനവുമായാണ് ഗ്യാലക്‌സി എം16 5ജി, ഗാലക്‌സി എം06 5ജി എന്നിവ വിപണിയിലെത്തുന്നതെന്നും അക്ഷയ് എസ് റാവു പറഞ്ഞു. പുതുമയുള്ള ഡിസൈനില്‍, മീഡിയടെക് ഡൈമെന്‍സിറ്റി 6300 പ്രോസസറും ഓപ്പറേറ്റര്‍മാരിലുടനീളം പൂര്‍ണമായ 5ജി സപ്പോര്‍ട്ട് സവിശേഷതകളുമായി, സ്‌റ്റൈലും പെര്‍ഫോമന്‍സും മെച്ചപ്പെടുത്തുന്നതിനാണ് ഈ ഉപകരണങ്ങള്‍ നിര്‍മിച്ചിരിക്കുന്നത്. ഈ വിഭാഗത്തിലെ ഏറ്റവും മികച്ച എഫ്എച്ച്ഡി പ്ലസ് സൂപ്പര്‍ അമോലെഡ് ഡിസ്‌പ്ലേ, 6 ജനറേഷന്‍സ് ഒഎസ് അപ്‌ഗ്രേഡ്, ടാപ്പ് ആന്‍ഡ് പേ പ്രവര്‍ത്തനക്ഷമമാക്കിയ സാംസങ് വാലറ്റ് എന്നിവയ്‌ക്കൊപ്പം രണ്ട് പുതിയ മോഡലുകളും പുതിയ മാനദണ്ഡങ്ങള്‍ കൂടി സ്ഥാപിക്കുകയാണെന്നും അദ്ദേഹം കൂട്ടിച്ചേര്‍ത്തു.
ഉയര്‍ന്ന നിലവാരമുള്ള കളര്‍ കോണ്‍ട്രാസ്റ്റിലൂടെ ആഴത്തിലുള്ള കാഴ്ച്ചാനുഭവം നല്‍കുന്ന ഈ വിഭാഗത്തിലെ ലീഡിങ് എഫ്എച്ച്ഡി പ്ലസ് സൂപ്പര്‍ അമോലെഡ് ഡിസ്‌പ്ലേയാണ് ഗ്യാലക്‌സി എം16 5ജിയുടെ പ്രധാന സവിശേഷതകളിലൊന്ന്.പുതിയ ലീനിയര്‍ ഗ്രൂപ്പ്ഡ് ക്യാമറ മൊഡ്യൂള്‍, ബോള്‍ഡ് ആന്‍ഡ് ബാലന്‍സ്ഡ് കളര്‍ പാലറ്റ്, മെച്ചപ്പെടുത്തിയ ഫിനിഷ് എന്നീ സവിശേഷതകള്‍ ഉള്‍പ്പെടുത്തി ഒരു പുതിയ ഡിസൈനിലാണ് ഗ്യാലക്‌സി എം16 5ജിയും ഗ്യാലക്‌സി എം06 5ജിയും ഒരുക്കിയിരിക്കുന്നത്. സുഗമമായ മള്‍ട്ടിടാസ്‌കിങിന് വേഗവും ഊര്‍ജവും നല്‍കുന്ന മീഡിയടെക് ഡൈമെന്‍സിറ്റി 6300 പ്രോസസറാണ് ഗ്യാലക്‌സി എം16 5ജിക്കും ഗ്യാലക്‌സി എം06 5ജിക്കും കരുത്തേകുന്നത്. പുതിയ ക്യാമറ മൊഡ്യൂള്‍ കൂടി ഗ്യാലക്‌സി എം16 5ജിയും ഗ്യാലക്‌സി എം06 5ജിയും അവതരിപ്പിക്കുന്നുണ്ട്. കൂടുതല്‍ വ്യക്തതയ്ക്കായി ഈ സെഗ്മെന്റിലെ ലീഡിങ് 50 മെഗാപിക്‌സല്‍ മെയിന്‍ ക്യാമറക്കൊപ്പം 5 മെഗാപിക്‌സല്‍ അള്‍ട്രാവൈഡ് ലെന്‍സും, 2 മെഗാപിക്‌സല്‍ മാക്രോ ക്യാമറയും ഗ്യാലക്‌സി എം16 5ജിയില്‍ ഉള്‍പ്പെടുത്തിയിട്ടുണ്ട്.
മികച്ചതും വ്യക്തവുമായ സെല്‍ഫികള്‍ എടുക്കാന്‍ അതിന്റെ 13 മെഗാപിക്‌സല്‍ ഫ്രണ്ട് ക്യാമറ സഹായിക്കും. വ്യക്തതയുള്ള ഏറ്റവും മികച്ച ഫോട്ടോകള്‍ പകര്‍ത്തുന്നതിന് എഫ്1.8 അപ്പേര്‍ച്ചറോടുകൂടിയ ഹൈ റെസല്യൂഷന്‍ 50 മെഗാപിക്‌സല്‍ വൈഡ് ആംഗിള്‍ ലെന്‍സാണ് ഗ്യാലക്‌സി എം06 5ജിയിലുള്ളത്. കൂര്‍മതയുള്ള ചിത്രങ്ങള്‍ നല്‍കുന്നതിന് 2 മെഗാപിക്‌സല്‍ ഡെപ്ത് ക്യാമറയും, സെല്‍ഫികള്‍ എടുക്കുന്നതിന് 8 മെഗാപിക്‌സല്‍ മുന്‍ ക്യാമറയുമായാണ് ഗ്യാലക്‌സി എം06 5ജി വരുന്നതെന്നും അദ്ദേഹം വ്യക്തമാക്കി.ഗ്യാലക്‌സി എം16 5ജി 4ജിബി+128 ജിബി വേരിയന്റിന് 11,499 രൂപയും, 6ജിബി+128 ജിബി വേരിയന്റിന് 12,999 രൂപയും, 8ജിബി+128 ജിബി വേരിയന്റിന് 14,499 രൂപയുമാണ് വില. ആയിരം രൂപയുടെ ബാങ്ക് ക്യാഷ്ബാക്ക് ഓഫര്‍ ഉള്‍പ്പെടെയാണിത്. 500 രൂപയുടെ ബാങ്ക് ക്യാഷ്ബാക്ക് ഓഫര്‍ ഉള്‍പ്പെടെ ഗ്യാലക്‌സി എം06 5ജി 4ജിബി+128 ജിബി വേരിയന്റ്് 9,499 രൂപയ്ക്കും, 6ജിബി+128 ജിബി വേരിയന്റ്് 10,999 രൂപയ്ക്കും ലഭ്യമാവുമെന്നും അദ്ദേഹം വ്യക്തമാക്കി.
