യു.കെ ആസ്ഥാനമായി പ്രവര്‍ത്തിക്കുന്ന ആഗോള ഇന്‍വെസ്റ്റ്‌മെന്റ് ബാങ്കായ പാന്റോക്രേറ്ററുമായി സഹകരിച്ചാണ് ചര്‍ച്ച സംഘടിപ്പിച്ചത്.
കോയമ്പത്തൂര്‍: സുസ്ഥിര ഊര്‍ജ മേഖലയിലെ നിക്ഷേപ സാധ്യതകളെക്കുറിച്ച് സൗത്ത് ഇന്ത്യന്‍ ബാങ്കിന്റെ നേതൃത്വത്തില്‍ കോയമ്പത്തൂര്‍ റസിഡന്‍സി ടവേഴ്‌സില്‍ വച്ച് ‘സസ്‌റ്റൈബിലിറ്റി ആന്‍ഡ് എനര്‍ജി ട്രാന്‍സിഷന്‍’ എന്ന വിഷയത്തില്‍ ചര്‍ച്ച സംഘടിപ്പിച്ചു. യു.കെ ആസ്ഥാനമായി പ്രവര്‍ത്തിക്കുന്ന ആഗോള ഇന്‍വെസ്റ്റ്‌മെന്റ് ബാങ്കായ പാന്റോക്രേറ്ററുമായി സഹകരിച്ചാണ് ചര്‍ച്ച സംഘടിപ്പിച്ചത്.
പുനരുപയോഗ ഊര്‍ജ സ്രോതസുകളുടെ സുസ്ഥിരതയും അവയുടെ വിതരണവും സംബന്ധിച്ച് സെഷനുകള്‍ നടന്നു.ഈ മേഖലയിലെ ആഗോള ട്രെന്‍ഡുകള്‍, വര്‍ധിച്ചുവരുന്ന സാധ്യതകള്‍ എന്നിവയെപ്പറ്റിയും ചര്‍ച്ച നടത്തി. സൗത്ത് ഇന്ത്യന്‍ ബാങ്ക് എംഡിയും സിഇഒയുമായ പി ആര്‍ ശേഷാദ്രി, എവര്‍ റിന്യു എനര്‍ജി ഗ്രൂപ്പ് സിഇഒ ആര്‍ വെങ്കടേഷ്, പാന്റോക്രേറ്റര്‍ യു. കെ സഹസ്ഥാപകനും മാനേജിംഗ് പാര്‍ട്‌നറുമായ ആന്ദ്രേ ഷോട്ടല്‍, പാന്റോക്രേറ്റര്‍ യു. കെ സീനിയര്‍ അഡ്വൈസര്‍ രാജാറാം വെങ്കട്ടരാമന്‍, സൗത്ത് ഇന്ത്യന്‍ ബാങ്ക് സീനിയര്‍ ജനറല്‍ മാനേജറും കോര്‍പ്പറേറ്റ് ബിസിനസ് ഗ്രൂപ്പ് മേധാവിയുമായ മിനു മൂഞ്ഞേലി എന്നിവര്‍ സംസാരിച്ചു.
