പരിധിയില്ലാത്ത ഡാറ്റ; സൂപ്പര്‍ ഹീറോ പാക്കേജുമായി ‘ വി ‘

25 ശതമാനം വരെ നേട്ടം നല്‍കുന്ന ഏറ്റവും മികച്ച മൂന്നു വാര്‍ഷിക പദ്ധതികളാണ് വി അവതരിപ്പിച്ചിട്ടുള്ളത്.

കൊച്ചി: അര്‍ധ രാത്രി 12 മണി മുതല്‍ ഉച്ചയ്ക്ക് 12 മണി വരെ പരിധിയില്ലാത്ത ഡാറ്റ ലഭ്യമാക്കുന്ന സൂപ്പര്‍ ഹീറോ പാക്കേജുമായി ടെലികോം സേവന ദാതാവായ വി തങ്ങളുടെ വാര്‍ഷിക റീചാര്‍ജ് വിഭാഗം കൂടുതല്‍ ശക്തമാക്കി. ഉയര്‍ന്ന ഡാറ്റയ്ക്കായുള്ള ഡിമാന്‍ഡ് വര്‍ധിക്കുന്ന പശ്ചാത്തലത്തിലാണ് ഈ നീക്കമെന്ന് കമ്പനി അധികൃതര്‍ വ്യക്തമാക്കി.25 ശതമാനം വരെ നേട്ടം നല്‍കുന്ന ഏറ്റവും മികച്ച മൂന്നു വാര്‍ഷിക പദ്ധതികളാണ് വി അവതരിപ്പിച്ചിട്ടുള്ളത്. അര്‍ധ രാത്രി 12 മണി മുതല്‍ ഉച്ചയ്ക്ക് 12 മണി വരെ പരിധിയില്ലാത്ത ഡാറ്റയ്ക്ക് ശേഷം 2 ജിബി പ്രതിദിന ക്വാട്ടയും അതിലെ ഉപയോഗിക്കാത്ത ഡാറ്റ വാരാന്ത്യത്തിലേക്കു മാറ്റുന്ന വീക്കെന്‍ഡ് ഡാറ്റാ റോള്‍ ഓവറും ഇതിനോടു കൂടെ അവതരിപ്പിച്ചിട്ടുണ്ട്.

അടിയന്തര ഘട്ടങ്ങളിലെ ഡാറ്റാ റീചാര്‍ജിനായി ഡാറ്റാ ഡിലൈറ്റ് സംവിധാനവും ലഭ്യമാക്കിയിട്ടുണ്ട്. ഈ നേട്ടങ്ങള്‍ക്കു പുറമെ ഡിസ്‌നി ഹോട്ട്സ്റ്റാര്‍, ആമസോണ്‍ പ്രൈം തുടങ്ങിയ ഒടിടി സബ്‌സ്‌ക്രിപ്ഷനുകളും മുഴുവന്‍ വര്‍ഷത്തേക്കു ലഭിക്കും.3699 രൂപയുടെ പായ്ക്കില്‍ 499 രൂപ മൂല്യമുള്ള ഒരു വര്‍ഷത്തെ ഡിസ്‌നി ഹോട്ട്സ്റ്റാര്‍ മൊബൈല്‍ ഒടിടിയും 3799 രൂപയുടെ പായ്ക്കില്‍ 799 രൂപ മൂല്യമുള്ള ഒരു വര്‍ഷത്തെ ആമസോണ്‍ െ്രെപം ലൈറ്റും ലഭിക്കും. 3599 രൂപ, 3699 രൂപ, 3799 രൂപ എന്നീ മൂന്നു പായ്ക്കുകളിലും രാത്രി 12 മണി മുതല്‍ ഉച്ചയ്ക്ക് 12 മണി വരെ പരിധിയില്ലാത്ത ഡാറ്റയും തുടര്‍ന്ന 2 ജിബി പ്രതിദിന ഡാറ്റയും പരിധിയില്ലാത്ത കോളുകളും പ്രതിദിനം 100 എസ്എംഎസുകളും ഒരു വര്‍ഷത്തേക്കു ലഭിക്കും.

വീക്കെന്‍ഡ് ഡാറ്റാ റോള്‍ ഓവര്‍, ഡാറ്റാ ഡിലൈറ്റ് എന്നിവയും ഇവയ്ക്ക് ഒപ്പം ലഭ്യമാണ്.കേരളം, മഹാരാഷ്ട്ര, ന്യൂഡല്‍ഹി, ഗുജറാത്ത്, തമിഴ്‌നാട്, പശ്ചിമ ബംഗാള്‍, ഹരിയാന എന്നിവിടങ്ങളിലാണ് നിലവില്‍ വി സൂപ്പര്‍ ഹീറോ പ്രീ പെയ്ഡ് വാര്‍ഷിക പായ്ക്കുകള്‍ ലഭിക്കുന്നതെന്നും കമ്പനി അധികൃതര്‍ വ്യക്തമാക്കി.