കഴിഞ്ഞ സാമ്പത്തിക വര്ഷം സോഫ്റ്റ് വെയര് കയറ്റുമതിയില് ടെക്നോപാര്ക്കിന്റെ മൊത്തം വരുമാനം 13,255 കോടി രൂപയായിരുന്നു
തിരുവനന്തപുരം : ഐടി, അനുബന്ധ വ്യവസായങ്ങളുടെ സോഫ്റ്റ് വെയര് കയറ്റുമതി വരുമാനത്തില് 202425 സാമ്പത്തിക വര്ഷം 14,575 കോടി വളര്ച്ചയുമായി ടെക്നോപാര്ക്ക്. മുന്വര്ഷത്തെ അപേക്ഷിച്ച് 10 ശതമാനത്തിലധികമാണ് വളര്ച്ച.
കഴിഞ്ഞ സാമ്പത്തിക വര്ഷം സോഫ്റ്റ് വെയര് കയറ്റുമതിയില് ടെക്നോപാര്ക്കിന്റെ മൊത്തം വരുമാനം 13,255 കോടി രൂപയായിരുന്നു. വിശാലമായ 768.63 ഏക്കറില് 12.72 ദശലക്ഷം ചതുരശ്രയടി വിസ്തൃതിയുള്ള രാജ്യത്തെ പ്രമുഖമായ ഐടി ഹബ്ബില് അഞ്ഞൂറോളം കമ്പനികളാണ് പ്രവര്ത്തിക്കുന്നത്. 80,000 പേര്ക്ക് നേരിട്ടും രണ്ട് ലക്ഷത്തിലധികം പേര്ക്ക് നേരിട്ടല്ലാതെയും ജോലി നല്കി വരുന്നു. കേരളത്തിലെ ശക്തമായ ഐടി മേഖലയുടെ കരുത്തിന്റെയും ഇവിടെ പ്രവര്ത്തിക്കുന്ന കമ്പനികളുടെ പ്രൊഫഷണലിസത്തിന്റെയും തെളിവാണ് ഈ നേട്ടമെന്ന് ടെക്നോപാര്ക്ക് സിഇഒ റിട്ട. കേണല് സഞ്ജീവ് നായര് പറഞ്ഞു. ടെക്നോപാര്ക്കിലെ ലോകോത്തര അടിസ്ഥാന സൗകര്യങ്ങളും ഉയര്ന്ന വൈദഗ്ധ്യമുള്ള ജീവനക്കാരുമാണ് ഈ മികവാര്ന്ന പ്രകടനത്തിന് പിന്നിലെന്നും രാജ്യത്തെ മുന്നിര ഐടി കേന്ദ്രമെന്ന ഖ്യാതി ഉറപ്പിക്കുന്നതാണ് ഈ വളര്ച്ചയെന്നും അദ്ദേഹം കൂട്ടിച്ചേര്ത്തു.
