ഈ പുതിയ ക്യാമ്പസ് സഹകരണം, പഠനം, സൗകര്യപ്രദമായ ജോലി സാഹചര്യങ്ങള്, ജീവനക്കാരുടെ ക്ഷേമം എന്നിവ ലക്ഷ്യമാക്കി രൂപകല്പ്പന ചെയ്തതാണെന്ന് ആമസോണ് ഇന്ത്യ കണ്ട്രി മാനേജര് സമീര് കുമാര് പറഞ്ഞു.
കൊച്ചി: ആമസോണ് ബംഗളൂരുവില് ഏഷ്യയിലെ രണ്ടാമത്തെ വലിയ കോര്പ്പറേറ്റ് ഓഫീസ് ഉദ്ഘാടനം ചെയ്തു. 11 ലക്ഷം ചതുരശ്ര അടി വിസ്തൃതിയുള്ള 12 നിലകളുള്ള ഈ ക്യാമ്പസ് ഇ-കൊമേഴ്സ്, ഓപ്പറേഷന്സ്, പേയ്മെന്റ്സ്, ടെക്നോളജി, സെല്ലര് സര്വീസസ് എന്നീ മേഖലകളില് 7,000ത്തിലധികം ജീവനക്കാര്ക്ക് ജോലി ചെയ്യാന് സൗകര്യമൊരുക്കും.
അഞ്ച് ഏക്കര് സ്ഥലത്ത് നിര്മ്മിച്ചിരിക്കുന്ന ഈ കെട്ടിടം കെംപഗൗഡ ഇന്റര്നാഷണല് എയര്പോര്ട്ടില് നിന്നും ഏകദേശം 15 കിലോമീറ്റര് അകലെയാണ്. കര്ണാടക സര്ക്കാരിന്റെ വന്ഇടത്തരം വ്യവസായ, അടിസ്ഥാന സൗകര്യ വികസന വകുപ്പ് മന്ത്രിയായ എം.ബി.പാട്ടീല് ക്യാമ്പസ് ഉദ്ഘാടനം ചെയ്തു.ഈ പുതിയ ക്യാമ്പസ് സഹകരണം, പഠനം, സൗകര്യപ്രദമായ ജോലി സാഹചര്യങ്ങള്, ജീവനക്കാരുടെ ക്ഷേമം എന്നിവ ലക്ഷ്യമാക്കി രൂപകല്പ്പന ചെയ്തതാണെന്ന് ആമസോണ് ഇന്ത്യ കണ്ട്രി മാനേജര് സമീര് കുമാര് പറഞ്ഞു.
ഇന്ത്യയിലെ തുടര്ച്ചയായ നിക്ഷേപങ്ങളുടെ ഭാഗമാണ് ഈ പദ്ധതിയും. കമ്പനി ഇതിനകം ഇന്ത്യയില് 40 ബില്യണ് ഡോളറിലധികം നിക്ഷേപം നടത്തിയിട്ടുണ്ട്. 2030ഓടു കൂടി 35 ബില്യണ് ഡോളര് നിക്ഷേപിക്കുമെന്നും അദ്ദേഹം അറിയിച്ചു.ബംഗളൂരുവിലെ ആമസോണിന്റെ നിക്ഷേപം ഇന്ത്യയുടെ സാങ്കേതിക നവീകരണ ശേഷി വര്ധിപ്പിക്കുന്നുവെന്നും ഇത്തരത്തിലുള്ള വലിയ ക്യാമ്പസുകള് ഉയര്ന്ന നിലവാരമുള്ള തൊഴിലവസരങ്ങള് സൃഷ്ടിക്കുന്നുവെന്നും മന്ത്രി എം.ബി. പാട്ടില് പറഞ്ഞു.
