സിസു ലോഞ്ച്പാഡിലേക്ക് ഈ വര്ഷം തിരഞ്ഞെടുക്കപ്പെട്ട ഏക ഇന്ത്യന് സ്റ്റാര്ട്ടപ്പും ക്യൂബേ ആണ്.
കൊച്ചി: സ്റ്റാര്ട്ടപ്പ് സംരംഭം ക്യൂബേ കരിയര് ഫിന്ലാന്ഡ് സര്ക്കാരിന്റെ പ്രശസ്തമായ സിസു ലോഞ്ച്പാഡ് പരിപാടിയിലേക്ക് തിരഞ്ഞെടുക്കപ്പെട്ടു. ആഗോളതലത്തില് ഫിന്ലാന്ഡ് സര്ക്കാര് തെരഞ്ഞെടുത്ത മുന്നിര 20 സ്റ്റാര്ട്ടപ്പുകളില് ഒന്നായി മാറിയിരിക്കുകയാണ് ക്യൂബേ കരിയര്.ക്യൂബേ സ്ഥാപകരായ ഫാസില് കരാട്ടും ഡോ. മുഹമ്മദ് ഷഫീഖ് കരാട്ടും ഇപ്പോള് ഹെല്സിങ്കിയില് നടക്കുന്ന, നോര്ഡിക് രാജ്യങ്ങളും യൂറോപ്യന് യൂണിയന് വിപണിയും ലക്ഷ്യമിടുന്ന പ്രമുഖ ആക്സിലറേറ്റര് പ്രോഗ്രാമില് പങ്കെടുക്കുകയാണ്. യുകെ, അയര്ലന്ഡ്, യൂറോപ്പ്, എന്നിവിടങ്ങളിലെ അന്താരാഷ്ട്ര വിദ്യാര്ത്ഥികള്ക്കായി ക്യൂബേ കരിയര് മാര്ഗനിര്ദ്ദേശം, ജോലിക്കുള്ള തയ്യാറെടുപ്പ്, അപേക്ഷ മുതല് അഭിമുഖം വരെ സമ്പൂര്ണ്ണ പിന്തുണ എന്നിവ നല്കുന്നു. ആഗോളതലത്തില് തിരഞ്ഞെടുക്കപ്പെട്ട 20 സ്റ്റാര്ട്ടപ്പുകളില് ഒന്നാകാന് കഴിഞ്ഞത് കേരള സ്റ്റാര്ട്ടപ്പ് ആവാസവ്യവസ്ഥയ്ക്കുള്ള വലിയ അംഗീകാരമാണെന്ന് ക്യൂബേ സ്ഥാപകര് വ്യക്തമാക്കി. സിസു ലോഞ്ച്പാഡിലേക്ക് ഈ വര്ഷം തിരഞ്ഞെടുക്കപ്പെട്ട ഏക ഇന്ത്യന് സ്റ്റാര്ട്ടപ്പും ക്യൂബേ ആണ്.
