ജില്ലയില് ഇതുവരെ 1,500.673 കിലോമീറ്റര് കേബിളുകളാണ് സ്ഥാപിച്ചത്. കെഎസ്ഇബി ട്രാന്സ്മിഷന് ടവറുകളിലൂടെ 73.465 കിലോ മീറ്റര് ഒപിജിഡബ്യു കേബിളുകളും, 1427.208 കിലോമീറ്റര് എഡിഎസ്എസ് കേബിളുകള് കെഎസ്ഇബി പോസ്റ്റുകള് വഴിയുമാണ് സ്ഥാപിച്ചിട്ടുള്ളത്.
കാസര്കോട്: വീടുകളിലും ഓഫീസുകളിലും വാണിജ്യ സ്ഥാപനങ്ങളിലുമൊക്കെയായി കേരളത്തിന്റെ സ്വന്തം ഇന്റര്നെറ്റ് കണക്ഷനായ കെഫോണ് കണക്ഷനുകള് കാസര്കോഡ് ജില്ലയില് വര്ധിക്കുന്നു. കാസര്കോട് ജില്ലയില് കെഫോണ് പദ്ധതി വഴി 2048 കണക്ഷനുകള് ഇതിനോടകം നല്കി. ജില്ലയില് ഇതുവരെ 1,500.673 കിലോമീറ്റര് കേബിളുകളാണ് സ്ഥാപിച്ചത്. കെഎസ്ഇബി ട്രാന്സ്മിഷന് ടവറുകളിലൂടെ 73.465 കിലോ മീറ്റര് ഒപിജിഡബ്യു കേബിളുകളും, 1427.208 കിലോമീറ്റര് എഡിഎസ്എസ് കേബിളുകള് കെഎസ്ഇബി പോസ്റ്റുകള് വഴിയുമാണ് സ്ഥാപിച്ചിട്ടുള്ളത്.
ജില്ലയില് 913 സര്ക്കാര് ഓഫീസുകള് ഇപ്പോള് കെഫോണ് നെറ്റ് വര്ക്കാണ് ഉപയോഗിക്കുന്നത്. ജില്ലയില് ആകെ 552 ബിപിഎല് വീടുകളിലാണ് കെഫോണ് കണക്ഷനുള്ളത്. 583 വാണിജ്യ കണക്ഷനുകളും ജില്ലയില് നല്കി. പ്രാദേശിക ഓപ്പറേറ്റര്മാര് വഴിയാണ് വാണിജ്യ കണക്ഷനുകള് നല്കുന്നത്. ജില്ലയുടെ വിവിധ ഭാഗങ്ങളിലായി 55 ലോക്കല് നെറ്റുവര്ക്ക് ഓപ്പറേറ്റര്മാര് ഇതിനായി കെഫോണുമായി സഹകരിച്ച് പ്രവര്ത്തിക്കുന്നുണ്ട്. കണക്ഷനുകള്ക്ക് വേണ്ടി പുതിയ രജിസ്ട്രേഷനുകളും വരുന്നുണ്ട്. ഒരു ഐ.എല്.എല് കണക്ഷനും 8 എസ്.എം.ഇ കണക്ഷനുകളും ജില്ലയില് നല്കി. പുതിയ ഗാര്ഹിക കണക്ഷന് എടുക്കാന് ‘എന്റെ കെഫോണ്’ എന്ന മൊബൈല് ആപ്പിലൂടെയോ കെഫോണ് വെബ്സൈറ്റിലൂടെയോ രജിസ്റ്റര് ചെയ്യാം. 18005704466 എന്ന ടോള്ഫ്രീ നമ്പര് വഴിയും കണക്ഷനായി രജിസ്റ്റര് ചെയ്യാം.
