‘സൈബർ അധിഷ്ഠിത കോഗ്നിറ്റീവ് വാർഫെയർ’ ദേശീയ സെമിനാറിന് ന്യൂഡൽഹിയിൽ

ന്യൂഡൽഹി :ഹെഡ്‌ക്വാർട്ടേഴ്‌സ് ഇന്റഗ്രേറ്റഡ് ഡിഫൻസ് സ്റ്റാഫിന്റെ (HQ IDS) കീഴിലുള്ള സെന്റർ ഫോർ ജോയിന്റ് വാർഫെയർ സ്റ്റഡീസ് (CENJOWS) സംഘടിപ്പിക്കുന്ന ‘സൈബർ അധിഷ്ഠിത കോഗ്നിറ്റീവ് വാർഫെയർ’ (Cyber-Enabled Cognitive Warfare) രണ്ടുദിവസത്തെ ദേശീയ സെമിനാറിന് ന്യൂഡൽഹിയിൽ തുടക്കമായി. സൈബർ പ്രവർത്തനങ്ങൾ, കൃത്രിമബുദ്ധി (AI), ഡിജിറ്റൽ സ്വാധീനം എന്നിവ സമഗ്രമായി സംയോജിപ്പിച്ചുകൊണ്ട് ഇന്ത്യ നേരിടുന്ന സുരക്ഷാ വെല്ലുവിളികളും ഭീഷണികളും ചർച്ച ചെയ്യുകയാണ് സെമിനാറിന്റെ പ്രധാന ലക്ഷ്യം.

സൈബർ സാങ്കേതികവിദ്യകളിലൂടെ വ്യാജ വിവരങ്ങൾ പ്രചരിപ്പിച്ച് സൈനികരുടെയും വിമുക്തഭടന്മാരുടെയും അവരുടെ കുടുംബങ്ങളുടെയും മാനസികനിലയെയും സാമൂഹിക സുരക്ഷയെയും ലക്ഷ്യമിടുന്ന നീക്കങ്ങളെക്കുറിച്ചും അതിനെ പ്രതിരോധിക്കേണ്ട രീതികളെക്കുറിച്ചും സെമിനാർ വിശദമായി ചർച്ച ചെയ്തു. സാങ്കേതിക വശങ്ങൾക്കപ്പുറം സൈബർ വിവരയുദ്ധങ്ങളുടെ മനഃശാസ്ത്രപരവും ഭരണഘടനാപരവുമായ പ്രത്യാഘാതങ്ങളെക്കുറിച്ച് പ്രതിരോധ വിദഗ്ദ്ധർ സംസാരിച്ചു.

ചടങ്ങിൽ ഡിഫൻസ് സൈബർ ഏജൻസി ഡയറക്ടർ ജനറൽ റിയർ അഡ്മിറൽ സഞ്ജയ് സച്ച്ദേവ, CENJOWS ഡയറക്ടർ ജനറൽ മേജർ ജനറൽ അശോക് കുമാർ (റിട്ട.), നാഷണൽ സൈബർ സെക്യൂരിറ്റി കോർഡിനേറ്റർ നവീൻ കുമാർ സിംഗ്, ഡെപ്യൂട്ടി ചീഫ് ഓഫ് നേവൽ സ്റ്റാഫ് വൈസ് അഡ്മിറൽ എ. എൻ. പ്രമോദ്, ചീഫ് ഓഫ് ഇന്റഗ്രേറ്റഡ് ഡിഫൻസ് സ്റ്റാഫ് എയർ മാർഷൽ തജീന്ദർ സിംഗ് തുടങ്ങിയ പ്രമുഖർ പങ്കെടുത്തു.