കൊച്ചി: നവജാത ശിശുക്കളുടെ അതിസൂക്ഷ്മമായ ചർമ്മ സംരക്ഷണത്തിനും കാലാവസ്ഥാ വ്യതിയാനങ്ങൾ മൂലമുണ്ടാകുന്ന അസ്വസ്ഥതകൾക്കും പരിഹാരവുമായി ഹിമാലയ ബേബി കെയർ. ബ്രാൻഡിന്റെ പ്രമുഖ ഉൽപ്പന്നങ്ങളായ ‘ഹിമാലയ ജെന്റിൽ ബേബി സോപ്പ്’, ‘റിഫ്രഷിംഗ് ബേബി സോപ്പ്’ എന്നിവയ്ക്കായി രണ്ട് പുതിയ ഡിജിറ്റൽ വീഡിയോ കൊമേഴ്സ്യലുകൾ (ഡിവിസി) കമ്പനി പുറത്തിറക്കി. വെറും വൃത്തിയാക്കലിനപ്പുറം, ഇത് കരുതലാണ് എന്ന സന്ദേശത്തിലൂന്നിയാണ് ബേബി സോപ്പ് പോർട്ട്ഫോളിയോ വിപുലീകരിച്ചുകൊണ്ട് ഹിമാലയ പുതിയ ചുവടുവെപ്പ് നടത്തിയിരിക്കുന്നത്. സുരക്ഷിതവും മാറുന്ന കാലാവസ്ഥയ്ക്ക് അനുയോജ്യവുമായ ഉൽപ്പന്നങ്ങൾ ആഗ്രഹിക്കുന്ന ആധുനിക മാതാപിതാക്കളുടെ ആവശ്യങ്ങൾ മുൻനിർത്തിയാണ് ഈ മാറ്റം. കുഞ്ഞുങ്ങളുടെ മൃദുലമായ ചർമ്മത്തിനായി പ്രത്യേകം തയ്യാറാക്കിയ ഹിമാലയ ജെന്റിൽ ബേബി സോപ്പിൽ 97% പ്രകൃതിദത്ത ചേരുവകളാണ് അടങ്ങിയിരിക്കുന്നത്. ചർമ്മത്തിലെ ഈർപ്പം നിലനിർത്താൻ സഹായിക്കുന്ന ബദാം, ഒലിവ് എന്നിവയുടെ 100% പ്രകൃതിദത്ത എണ്ണകളിൽ നിന്നുള്ള സവിശേഷമായ ‘ഫൈറ്റോ ഓയിൽ-കോംപ്ലക്സ്’ ഇതിലുണ്ട്. കഠിനമായ രാസവസ്തുക്കൾ ഇല്ലാത്ത ഈ കൂട്ട് കുളിക്ക് ശേഷമുള്ള ചർമ്മ വരൾച്ച തടയുകയും ദീർഘനേരം മൃദുത്വം ഉറപ്പാക്കുകയും ചെയ്യും. ഇന്ത്യൻ വേനൽക്കാലത്തെ കഠിനമായ ചൂടും വിയർപ്പും മൂലമുണ്ടാകുന്ന അസ്വസ്ഥതകൾ പരിഹരിക്കാനാണ് ‘ഹിമാലയ റിഫ്രഷിംഗ് ബേബി സോപ്പ്’ രൂപകൽപ്പന ചെയ്തിരിക്കുന്നത്. തണ്ണിമത്തൻ, രാമച്ചം, വേപ്പ് എന്നിവയുടെ ‘അക്വാഫ്രഷ് കോംപ്ലക്സ്’ അടങ്ങിയ ഈ സോപ്പ് ചൂടുകുരുക്കളിൽ നിന്നും ചൊറിച്ചിലിൽ നിന്നും കുഞ്ഞുങ്ങൾക്ക് ഉന്മേഷദായകമായ സംരക്ഷണം നൽകുന്നു. മാറിക്കൊണ്ടിരിക്കുന്ന മാതാപിതാക്കളുടെ ചിന്താഗതികൾക്കൊപ്പം കൃത്യമായ പരിഹാരങ്ങൾ നൽകാനാണ് തങ്ങൾ ശ്രമിക്കുന്നതെന്ന് ഹിമാലയ വെൽനസ് കമ്പനി ബേബി കെയർ ഡയറക്ടർ ചക്രവർത്തി എൻ.വി പറഞ്ഞു. നവജാതശിശുക്കളുടെ ചർമ്മത്തിന്റെ ആവശ്യങ്ങളോ ഇന്ത്യൻ വേനൽക്കാലത്തിന്റെ വെല്ലുവിളികളോ ആകട്ടെ, മാതാപിതാക്കൾക്ക് പൂർണ ആത്മവിശ്വാസത്തോടെ ആശ്രയിക്കാൻ കഴിയുന്ന വിശ്വസനീയമായ പരിഹാരങ്ങൾ നൽകുക എന്നതാണ് ബ്രാൻഡിന്റെ ലക്ഷ്യമെന്നും അദ്ദേഹം കൂട്ടിച്ചേർത്തു. ഡിജിറ്റൽ, സോഷ്യൽ മീഡിയ പ്ലാറ്റ്ഫോമുകൾ വഴി പുറത്തിറക്കുന്ന ഈ പരസ്യചിത്രങ്ങൾ ഇന്ത്യയിലുടനീളമുള്ള യുവ മാതാപിതാക്കളിലേക്ക് വേഗത്തിൽ എത്തിക്കുന്നതിനായി മലയാളം ഉൾപ്പെടെയുള്ള പ്രാദേശിക ഭാഷകളിലും ലഭ്യമാക്കും.
