ദീർഘകാല സമ്പത്ത് സൃഷ്ടിയെ ലക്ഷ്യമിട്ട് രൂപകൽപ്പന ചെയ്ത ഫണ്ട് നിയമാനുസൃതവും നിയന്ത്രിതവുമായ ഇൻഡക്സ്-മിററിംഗ് സമീപനം പിന്തുടരുന്നതായി കമ്പനി വ്യക്തമാക്കി.
തൃശൂർ: രാജ്യത്തെ പ്രമുഖ ഇൻഷുറൻസ് കമ്പനിയായ ഐസിഐസിഐ പ്രുഡൻഷ്യൽ ലൈഫ് ഇൻഷുറൻസ് കമ്പനി ലിമിറ്റഡ് “ഐസിഐസിഐ പ്രുഡൻഷ്യൽ ലൈഫ് സ്മോൾക്യാപ് 250 ഇൻഡക്സ് ഫണ്ട്” എന്ന പേരിൽ പുതിയ ഫണ്ട് അവതരിപ്പിച്ചു. കമ്പനിയുടെ യൂണിറ്റ് ലിങ്ക്ഡ് ഇൻഷുറൻസ് പ്ലാൻ (യുലിപ്) പ്ലാനുകളുടെ ഭാഗമായി അവതരിപ്പിക്കുന്ന ഈ ഫണ്ട് ഇന്ത്യയിലെ വളർന്നുവരുന്ന ലിസ്റ്റ് ചെയ്ത കമ്പനികളിൽ നിക്ഷേപം നടത്താൻ ഉപഭോക്താക്കൾക്ക് അവസരം നൽകുന്നു. നിഫ്റ്റി സ്മോൾക്യാപ് 250 ഇൻഡക്സ് പിന്തുടരുന്ന ഈ ഫണ്ട്, വിവിധ മേഖലകളിലായി 250 കമ്പനികളിൽ വൈവിധ്യമാർന്ന നിക്ഷേപം ഉറപ്പാക്കുന്നതായി കമ്പനി അറിയിച്ചു. ദീർഘകാല സമ്പത്ത് സൃഷ്ടിയെ ലക്ഷ്യമിട്ട് രൂപകൽപ്പന ചെയ്ത ഫണ്ട് നിയമാനുസൃതവും നിയന്ത്രിതവുമായ ഇൻഡക്സ്-മിററിംഗ് സമീപനം പിന്തുടരുന്നതായി കമ്പനി വ്യക്തമാക്കി. ഐസിഐസിഐ പ്രൂ സിഗ്നേച്ചർ അഷ്യുവർ, സ്മാർട്ട്കിഡ് അഷ്യുവർ, സ്മാർട്ട് ഇൻഷുറൻസ് പ്ലാൻ പ്ലസ് (എസ്ഐപി+) എന്നിവയുൾപ്പെടെയുള്ള ചില യുലിപ് പ്ലാനുകളിൽ ലഭ്യമാണ്. സ്മോൾക്യാപ് 250 ഇൻഡക്സ് ഫണ്ട് ഉപഭോക്താക്കൾക്ക് വളർച്ചാ സാധ്യതയുള്ള വളർന്നു വരുന്ന കമ്പനികളിൽ ദീർഘകാലമായി നിക്ഷേപിച്ച് സമ്പത്ത് സൃഷ്ടിക്കാൻ ലളിതവും സുതാര്യവുമായ മാർഗം നൽകുന്നതായി ഐസിഐസിഐ പ്രുഡൻഷ്യൽ ലൈഫ് ഇൻഷുറൻസ് കമ്പനി ലിമിറ്റഡ് ചീഫ് ഇൻവെസ്റ്റ്മെന്റ് ഓഫീസർ മനീഷ് കുമാർ പറഞ്ഞു.
