കേരളത്തെ പ്രതിനിധീകരിച്ച് വനിതാ വിഭാഗത്തില് പങ്കെടുത്ത സുചിത സുനില്കുമാര് പ്രോമിസിംഗ് പ്ലെയര് ആയി തിരഞ്ഞെടുക്കപ്പെട്ടു.
കൊച്ചി : ബംഗളുരുവില് നടന്ന ടെന്പിന് ബൗളിംഗ് ചാംപ്യന്ഷിപ്പില് കേരളത്തിന് നേട്ടം. കേരളത്തെ പ്രതിനിധീകരിച്ച് വനിതാ വിഭാഗത്തില് പങ്കെടുത്ത സുചിത സുനില്കുമാര് പ്രോമിസിംഗ് പ്ലെയര് ആയി തിരഞ്ഞെടുക്കപ്പെട്ടു. വനിതാ വിഭാഗത്തില് കേരളത്തിനായി കളത്തിലിറങ്ങിയ ഏക വനിതാ അംഗവും സുചിത സുനില്കുമാര് ആയിരുന്നു. ടെന്പിന് ബൗളിംഗ് മുന് ദേശീയ ചാംപ്യന് എച്ച്.വി സര്ദയില് നിന്നും സുചിത സുനില്കുമാര് പ്രോമിസിംഗ് പ്ലെയര് അവാര്ഡ് ഏറ്റുവാങ്ങി. പുരുഷ വിഭാഗത്തില് പങ്കെടുത്ത എന്.എച്ച് ഷമീദും കേരളത്തിനായി മികച്ച പ്രകടനാണ് ചാംപ്യന്ഷിപ്പില് പുറത്തെടുത്തത്. എന്.എച്ച് ഷമീദ് രണ്ടാം റൗണ്ടില് കടന്നിരുന്നു.
