തിരുവനന്തപുരം: മുങ്ങിമരണങ്ങൾ തടയാനും ജീവൻ രക്ഷിക്കാനും അന്താരാഷ്ട്ര സഹകരണം ശക്തിപ്പെടുത്തുക എന്ന ലക്ഷ്യത്തോടെ ഇന്ത്യ-ഓസ്ട്രേലിയ മുങ്ങിമരണ പ്രതിരോധ സാങ്കേതിക അറിവ് കൈമാറ്റ പരിപാടി സംഘടിപ്പിച്ചു. ഇരു രാജ്യങ്ങളിലെയും പ്രമുഖ വിദഗ്ധർ, സർക്കാർ പ്രതിനിധികൾ, ഗവേഷകർ, വിവിധ ജനവിഭാഗങ്ങളുടെ പ്രതിനിധികൾ എന്നിവർ ഇതിൽ പങ്കെടുത്തു. റോയൽ ലൈഫ് സേവിങ് സൊസൈറ്റി ഓസ്ട്രേലിയ, ദി ജോർജ് ഇൻസ്റ്റിറ്റ്യൂട്ട് ഫോർ ഗ്ലോബൽ ഹെൽത്ത്, തിരുവനന്തപുരം മെഡിക്കൽ വിദ്യാഭ്യാസ ഡയറക്ടറേറ്റ് എന്നിവ സംയുക്തമായി സംഘടിപ്പിച്ച 3 ദിവസം നീണ്ടുനിന്ന പരിപാടി ആരോഗ്യ കുടുംബക്ഷേമ മന്ത്രി കെ. മുരളിധരൻ ഉദ്ഘാടനം ചെയ്തു. സെന്റർ ഫോർ ഓസ്ട്രേലിയ-ഇന്ത്യ റിലേഷൻസിന്റെ മൈത്രി ഗ്രാന്റിലൂടെയാണ് പരിപാടിക്ക് ധനസഹായം ലഭിച്ചത്. ദി ജോർജ് ഇൻസ്റ്റിറ്റ്യൂട്ട് ഫോർ ഗ്ലോബൽ ഹെൽത്തിലെ ഡോ. ജഗ്നൂർ ജഗ്നൂർ, കേരള മെഡിക്കൽ വിദ്യാഭ്യാസ ഡയറക്ടർ ഡോ. വിശ്വനാഥൻ കെ. വി., റോയൽ ലൈഫ് സേവിങ് സൊസൈറ്റി ഓസ്ട്രേലിയ സിഇഒ ഡോ. ജസ്റ്റിൻ സ്കാർ തുടങ്ങിയവർ സംസാരിച്ചു.
