അതിരപ്പിള്ളി  : ഓണാഘോഷം കൂടുതല്‍ ആനന്ദകരമാക്കാന്‍ സന്ദര്‍ശകര്‍ക്ക് വിവിധ സമ്മാന പദ്ധതികളൊരുക്കി അതിരപ്പിള്ളി  സില്‍വര്‍ സ്‌റ്റോം വാട്ടര്‍ തീം പാര്‍ക്കും, സ്‌നോ സ്‌റ്റോം പാര്‍ക്കും. ഈ മാസം 24 മുതല്‍ ഒക്ടോബര്‍ രണ്ട് വരെ നറുക്കെടുപ്പിലൂടെ ക്രിക്കറ്റ് ബാറ്റുകള്‍, സൈക്കിളുകള്‍, ഫുട്‌ബോളുകള്‍ എന്നിവയ്ക്ക് പുറമെ മെഗാ സമ്മാനമായി ഒരു ആപ്പിള്‍ ഐ പാഡുമാണ് നല്‍കുന്നത്. എല്ലാ ദിവസവും വൈകിട്ട് നറുക്കെടുപ്പ് നടത്തുമെന്നും വിജയികള്‍ക്ക് അപ്പോള്‍ തന്നെ സമ്മാനങ്ങള്‍ നല്‍കുമെന്നും പാര്‍ക്ക് അധികൃതര്‍ വാര്‍ത്താ കുറിപ്പിലൂടെ അറിയിച്ചു.

 പാര്‍ക്കിന്റെ 23ാം വര്‍ഷികത്തോടനുബന്ധിച്ച് പ്രഖ്യാപിച്ച 150 കോടിയില്‍ പരം രൂപയുടെ വികസന പ്രവര്‍ത്തനങ്ങളുടെ ഭാഗമായതും കേരളത്തില്‍ അത്ര സുപരിചിതമല്ലാത്തതുമായ കരിബിയന്‍ ബേ അക്വാ പ്ലേസ്‌റ്റേഷന്‍, ബൂമറാംഗ്, അക്വാലൂപ്പ്, കാമികസി എന്നീ നാല് പുതിയ ഹൈത്രില്ലിങ് വാട്ടര്‍ റൈഡുകള്‍ സന്ദര്‍ശകര്‍ക്ക് കൂടുതല്‍ ആനന്ദകരമാകുമെന്ന് മാനേജിംഗ് ഡയറക്ടര്‍ എ.ഐ ഷാലിമാര്‍ അറിയിച്ചു. കൂടാതെ യീീസശിഴ@ശെഹ്‌ലൃേെീൃാ.ശി എന്ന സൈറ്റിലൂടെ  ഓണ്‍ലൈനില്‍ ബുക്ക് ചെയ്ത് എത്തുന്നവര്‍ക്ക് 10 ശതമാനം വരെ നിരക്കില്‍ ഇളവും പ്രഖ്യാപിച്ചിട്ടുണ്ട്.  ടൂറിസം മേഖലയ്ക്ക് പുത്തന്‍ ഉണര്‍വ്വും ഉത്തേജനവും പകരുന്നതിനാണ് ഇത്തരം സമ്മാന പദ്ധതികള്‍ ഏര്‍പ്പെടുത്തിയിരിക്കുന്നതെന്ന് അദ്ദേഹം പറഞ്ഞു. കൂടുതല്‍ വിവരങ്ങള്‍ക്ക് 94476 03344  എന്ന നമ്പറില്‍ ബന്ധപ്പെടുക.