കൊച്ചി: കേരള വ്യാപാരി വ്യവസായി ഏകോപന സമിതി(കെ.വി.വി.ഇ.എസ്) സിറ്റി നോര്‍ത്ത് യൂണിറ്റിന്റെ നേതൃത്വത്തില്‍ മള്‍ട്ടി മെഗാ മെഡിക്കല്‍ ക്യാംപ് സംഘടിപ്പിച്ചു.വടുതല ഡോണ്‍ബോസ്‌കോയില്‍ രാവില ഒമ്പതു മുതല്‍ ഉച്ചകഴിഞ്ഞ് രണ്ടുവരെ നടന്ന ക്യാംപ് കൊച്ചി മേയര്‍ എം അനില്‍കുമാര്‍ ഉദ്ഘാടനം ചെയ്തു.യൂണിറ്റ് പ്രസിഡന്റ് തദേവൂസ് അദ്ധ്യക്ഷത വഹിച്ചു. ഡോണ്‍ ബോസ്‌ക്കോ യൂത്ത് സെന്റര്‍ ഡയറക്ടര്‍ ഫാ. ഗില്‍ട്ടണ്‍, കൊച്ചി കോര്‍പ്പറേഷന്‍ 74 ാം ഡിവിഷന്‍ കൗണ്‍സിലര്‍ പ്രവീണ്‍, 31 ാം ഡിവിഷന്‍ കൗണ്‍സിലര്‍ ഹെന്‍ട്രി ഓസ്റ്റിന്‍ , അമൃത മെഡിക്കല്‍ ക്യാമ്പ് ഇന്‍ ചാര്‍ജ് ഡോ. ജയന്‍ , ഡോ. ഗണേഷ്, ഏകോപന സമിതി സിറ്റി നോര്‍ത്ത് യൂണിറ്റ് വൈസ് പ്രസിഡന്റും ക്യാമ്പ് ജനറല്‍ കണ്‍വീനരുമായ നൗഷാദ്, ജനറല്‍ സെക്രട്ടറി ജോസഫ് ജോളി,ട്രഷറര്‍, ഡാനിയല്‍ തുടങ്ങിയവര്‍ സംസാരിച്ചു.അമൃത ആശുപത്രി,എറണാകുളം സ്വാമി സിദ്ധരാമാനന്ദ ആയുര്‍വേദ വൈദ്യ ശാല,കൊച്ചിന്‍ കോര്‍പ്പറേഷന്‍ ഹോമിയോ വിഭാഗം എന്നിവരുമായി സഹകരിച്ചായിരുന്നു ക്യാംപ് സംഘടിപ്പിച്ചത്.
