കൊച്ചി: ടയര്‍ ഡീലേഴ്‌സ് ആന്റ് അലൈന്‍മെന്റ് അസോസിയേഷന്‍ കേരള (ടിഡാക്ക്) പൊതുജനങ്ങള്‍ക്കായി നടത്തിയ മത്സരത്തില്‍ നിന്ന് തെരഞ്ഞെടുക്കപ്പെട്ട വിജയികളെ പ്രഖ്യാപിച്ചു, ടിഡാക്ക് അംഗങ്ങളുടെ ഷോപ്പില്‍ നിന്ന് വീല്‍ അലൈന്‍മെന്റ് ചെയ്യുമ്പോഴും ടയര്‍ മാറ്റി നല്കുമ്പോഴും ഉപഭോക്താക്കള്‍ക്കു നല്‍കുന്ന കൂപ്പണ്‍ വഴി മത്സരത്തിലൂടെ നറുക്കെടുപ്പ് നടത്തിയാണ് വിജയികളെ കണ്ടെത്തിയത്.നാലുമേഖലകളില്‍ നിന്നു തെരഞ്ഞെടുക്കപ്പെട്ടവര്‍ക്ക് നാല് സ്വിഫ്റ്റ് കാറുകളാണ് സമ്മാനമായി നല്‍കുക. വിജയന്‍,ബോബന്‍ കണ്ടത്തില്‍,ഡി. അര്‍ഷിദ, എ സി.സുനിജ എന്നിവര്‍ സമ്മാനാര്‍ഹരായി.
കേരളത്തിലെ എല്ലാ ജില്ലകളില്‍ നിന്നും തെരഞ്ഞെടുത്ത ഒരാള്‍ക്കും വീതം 14 സ്‌കൂട്ടറുകളും സമ്മാനിക്കും.സംസ്ഥാന പ്രസിഡന്റ് അസി തോമസ് അദ്ധ്യക്ഷനായ ചടങ്ങ് എറണാകുളം റീജനല്‍ ട്രാന്‍സ്‌പോര്‍ട്ട് ഓഫിസര്‍ ജി.അനന്തകൃഷ്ണന്‍ ഉത്ഘാടനം ചെയ്തു. സംസ്ഥാനത്തെ അസോസിയേഷന്‍ അംഗങ്ങളുടെ പ്രതിനിധികളായി എത്തുന്ന ജില്ലാ ഭാരവാഹികളുടെ സാന്നിധ്യത്തില്‍ പൊതുജനങ്ങള്‍ക്കായി ലൈവ് ടെലികാസ്റ്റിംഗ് സൗകര്യം ഒരുക്കിയാണ് വിജയികളെ പ്രഖ്യാപിച്ചത് ജനറല്‍ സെക്രട്ടറി ഹരികൃഷ്ണന്‍ കാപ്പിള്ളില്‍ ,അഡ്വ.രാജേഷ് കുമാര്‍.ടി.കെ, ജയ്‌സണ്‍ ജോക്കബ് മാത്യു, അസോസിയേഷന്‍ ട്രഷറര്‍ മുഹമ്മദ് റാഫി, സംസ്ഥാന വൈസ് പ്രസിഡന്റ് മാരായ നൗഷാദ് ടി സി, ശിവകുമാര്‍ പാവളം, സംസ്ഥാന ജോയിന്റ് സെക്രട്ടറിമാരായ ഷാജി മുഹമ്മദ്, മുജീബ് റഹ്മാന്‍ എന്നിവരും സംസാരിച്ചു.
