കൊച്ചി: ഇന്ത്യയിലെ മുന്‍നിര ധനകാര്യ സ്ഥാപനമായ കെഎല്‍എം ആക്‌സിവ ഫിന്‍വെസ്റ്റിന് ഇനി പുതിയ ആസ്ഥാന മന്ദിരം. ഇടപ്പള്ളിയില്‍ 5 നിലകളിലായി 25,000 സ്‌ക്വയര്‍ ഫീറ്റില്‍ പണിതീര്‍ത്ത പുതിയ ആസ്ഥാന മന്ദിരം കെഎല്‍എം ഗ്രാന്‍ഡ് എസ്‌റ്റേറ്റ് പ്രതിപക്ഷ നേതാവ് വിഡി സതീശന്‍ ഉദ്ഘാടനം ചെയ്തു. വിപണിയില്‍ പണലഭ്യത ഉറപ്പാക്കുകയും പണം ക്രയവിക്രയം സജീവമായി നടക്കുന്ന സമ്പദ്ഘടന സൃഷ്ടിക്കാന്‍ സഹായിക്കുകയും ചെയ്യുന്ന സ്ഥാപനങ്ങള്‍ക്ക് വലിയ പ്രസക്തിയുണ്ടെന്ന് അദ്ദേഹം പറഞ്ഞു.
ഇന്ത്യന്‍ പ്രധാനമന്ത്രിയുടെ പ്രിന്‍സിപ്പല്‍ സെക്രട്ടറിയായിരുന്ന ടികെഎ നായര്‍ മുഖ്യാതിഥിയായിരുന്നു. ഇന്ത്യന്‍ ടെന്നിസ് ഇതിഹാസം സാനിയ മിര്‍സ സെലബ്രിറ്റി ഗസ്റ്റായും പങ്കെടുത്തു. കര്‍ദിനാള്‍ മാര്‍ ജോര്‍ജ് ആലഞ്ചേരി അനുഗ്രഹ പ്രഭാഷണം നടത്തി. കൊച്ചി മേയര്‍ എം. അനില്‍കുമാര്‍, ഉമ തോമസ് എംഎല്‍എ എന്നിവര്‍ വിശിഷ്ടാതിഥികളായി പങ്കെടുത്തു. ഇസാഫ് ബാങ്ക് മാനേജിങ് ഡയറക്ടറും സിഇഒയുമായ പോള്‍ തോമസ് കെഎല്‍എം അരീന ഉദ്ഘാടനം ചെയ്തു. സിന്തൈറ്റ് ഇന്‍ഡസ്ട്രീസ് മാനേജിങ് ഡയറക്ടര്‍ അജു ജേക്കബ് മാനേജ്‌മെന്റ് ട്രെയിനിങ്ങ് ഇന്‍സ്റ്റിറ്റിയൂട്ടിന്റെ ഉദ്ഘാടനം നിര്‍വഹിച്ചു. കെഎല്‍എം ആക്‌സിവ ചെയര്‍മാന്‍ ടിപി ശ്രീനിവാസന്‍ ചടങ്ങില്‍ അധ്യക്ഷത വഹിച്ചു.
എക്‌സിക്യൂട്ടിവ് ഡയറക്ടര്‍ ഷിബു തെക്കുംപുറം,ഡയറക്ടര്‍മാരായ എംപി ജോസഫ്, എബ്രഹാം തര്യന്‍, പ്രൊഫ. കെഎം കുര്യാക്കോസ് തുടങ്ങിയവര്‍ സംസാരിച്ചു. തെരെഞ്ഞെടുത്ത മികച്ച ടെന്നീസ് പ്രതിഭകള്‍ക്ക് കളിയുപകരണങ്ങള്‍ നല്‍കുന്ന 'എയ്‌സ്' പദ്ധതിക്ക് ചടങ്ങില്‍ തുടക്കമിട്ടു.
5 നിലകളിലായി 25,000 സ്‌ക്വയര്‍ ഫീറ്റില്‍ പണിതീര്‍ത്ത കോര്‍പ്പറേറ്റ് ഓഫീസില്‍ ആയിരിക്കും കെഎല്‍എം ആക്‌സിവയുടെ എല്ലാ ഡിവിഷനുകളും ഇനി പ്രവര്‍ത്തിക്കുക. 5000 ല്‍ അധികം ബ്രാഞ്ചുകളെ ഏകോപിപ്പിക്കുവാന്‍ ഇവിടുത്തെ കേന്ദ്രീകൃത സംവിധാനത്തിലൂടെ സാധിക്കുംകെഎല്‍എം അരീന, മാനേജ്‌മെന്റ് ട്രെയിനിങ് ഇന്‍സ്റ്റിറ്റിയൂട്ട്, ബിസിനസ് ഫെസിലിറ്റേഷന്‍ സെന്റര്‍, എച്ആര്‍ ലോഞ്ച് തുടങ്ങിയ വിപുലമായ സൗകര്യങ്ങളോടെയാണ് കോര്‍പ്പറേറ്റ് ഓഫീസ് സജ്ജമാക്കിയിട്ടുള്ളത്.മൈക്രോ ഫിനാന്‍സിന് മാത്രമായുള്ള എന്‍ബിഎഫ്‌സി തുടങ്ങുമെന്നും കമ്പനി അധികൃതര്‍ വ്യക്തമാക്കി.
