കോലഞ്ചേരി: ഇന്റര്‍നെറ്റ് ഡിറ്റിപി ഫോട്ടോസ്റ്റാറ്റ് വര്‍ക്കേഴ്‌സ് അസോസിയേഷന്‍ മഹിളാ വിഭാഗം എറണാകുളം ജില്ല കമ്മിറ്റി രൂപവല്‍ക്കരിച്ചു. ഏകീകരിച്ച നിരക്ക് ജില്ലയില്‍ നടപ്പാക്കുന്നതിനും സംഘടനയില്‍ രജിസ്റ്റര്‍ ചെയ്തിട്ടുള്ള സ്ഥാപനങ്ങള്‍ക്ക് ആവശ്യ സാധനങ്ങള്‍ മിതമായ വിലയില്‍ ലഭ്യമാക്കുന്നതിനുള്ള നടപടികള്‍ കൈക്കൊള്ളുന്നതിനും യോഗം തീരുമാനിച്ചു. അംഗങ്ങളുടെ ക്ഷേമത്തിനും സമൂഹത്തിന്റെ നന്മയ്ക്കുംവേണ്ടി കൈകോര്‍ക്കുവാന്‍ ജില്ലാ പ്രസിഡന്റ് റെജി രാജന്‍ പറഞ്ഞു.
യോഗം സംസ്ഥാന പ്രസിഡന്റ് റൂയേഷ് കോഴിശ്ശേരി ഉദ്ഘാടനം ചെയ്തു. സംസ്ഥാന സെക്രട്ടറി മജീദ് മൈ ബ്രദര്‍, സംസ്ഥാന ട്രഷറാര്‍ സുദര്‍ശന്‍ ആലുങ്ങല്‍ പ്രസംഗിച്ചു. ബിനീഷ് കുമാര്‍, ഷൈമ ചാത്തന്നൂര്‍, ജില്ലാ സെക്രട്ടറി മാത്യു കിങ്ങിണിമറ്റം, ജില്ലാ ട്രഷറാര്‍ ജിബിന്‍ ജോസ്, ലിസ്സി എ.കെ. തുടങ്ങിയവര്‍ സംസാരിച്ചു. പുതിയ ഭാരവാഹികളായി ഭാരവാഹികളായി സവിത ജോര്‍ജ് (പ്രസിഡന്റ്), അശ്വതി നിശാന്ത് (സെക്രട്ടറി), ലേഖ കെ.എസ്. (ട്രഷറര്‍) എന്നിവര തിരഞ്ഞെടുത്തു.
