കൊച്ചി: ഐഎംഎ കൊച്ചിയുടെ നേതൃത്വത്തില്‍ മുതിര്‍ന്ന ഡോക്ടര്‍മാരെ ആദരിക്കലും ഡോക്ടേഴസ് ദിനാചരണവും ജൂലൈ ഒന്നിന് കലൂര്‍ ഐഎംഎഎ ഹൗസില്‍ നടക്കും. രാത്രി 7.30 ന് നടക്കുന്ന സമ്മേളനം
മരുഭൂവല്‍ക്കരണത്തിനെതിരായ യുഎന്‍ കണ്‍വെന്‍ഷന്‍ ജി20 ഗ്ലോബല്‍ ലാന്‍ഡ് ഇനിഷ്യേറ്റീവ് കോര്‍ഡിനേഷന്‍ (യുഎന്‍സിസിഡി) ഡയറക്ടര്‍ ഡോ. മുരളി തുമ്മാരു കുടി ഉദ്ഘാടനം ചെയ്യും. ഐഎംഎ കൊച്ചി പ്രസിഡന്റ് ഡോ. എം എം ഹനീഷ് അധ്യക്ഷത വഹിക്കും.
മുതിര്‍ന്ന ഡോക്ടര്‍മാരായ ബെന്നി തോമസ്, ഇഡിക്കുള കെ മാത്യൂസ്, ടി എല്‍ പി പ്രഭു, ഗ്രേസി തോമസ് എന്നിവരെ ചടങ്ങില്‍ ആദരിക്കും. ഐഎംഎ കൊച്ചി മുന്‍ പ്രസിഡന്റ് ഡോ.എസ് ശ്രീനിവാസ കമ്മത്ത്, ഐഎംഎ കൊച്ചി പ്രസിഡന്റ് ഇലക്ട് ഡോ. ജേക്കബ് അബ്രാഹം, ഐഎംഎ ഹൗസ് ചെയര്‍മാന്‍ ഡോ. വി പി കുരൈ്യയ്പ്പ്, വുമണ്‍ ഐഎംഎ ചെയര്‍ പേഴ്‌സണ്‍ ഡോ. മേരി സൈമണ്‍, ഐഎംഎ കൊച്ചി സെക്രട്ടറി ഡോ. ജോര്‍ജ്ജ് തുകലന്‍, ട്രഷറര്‍ ഡോ.സച്ചിന്‍ സുരേഷ് തുടങ്ങിയവര്‍ സംസാരിക്കും.
