കൊച്ചി: കെസിബിസി വരാപ്പുഴ അതിരൂപതാ മദ്യ വിരുദ്ധ സമിതിയുടെ നേതൃത്വത്തില്‍ മദ്യവിരുദ്ധ പ്രവര്‍ത്തനങ്ങളുടെ ഭാഗമായി ക്വിറ്റ് ലിക്കര്‍ ഡേ ആചരണവും വായ്മൂടിക്കെട്ടി നില്‍പ്പു സമരവും നടത്തി. കച്ചേരിപ്പടി ഗാന്ധി സ്‌ക്വയറില്‍ നടന്ന നില്‍പ്പു സമരം വരാപ്പുഴ അതിരൂപത ചാന്‍സലര്‍ ഫാ.എബിജിന്‍ അറക്കല്‍ ഉദ്ഘാടനം ചെയ്തു.
'ലഹരി അരുത് ' എന്ന കൈപ്പുസ്തകം യുവജന പ്രതിനിധി കുമാരി ഇവാനിയ ആന്‍ ന് ചടങ്ങില്‍ അദ്ദേഹം കൈമാറി. മദ്യ വിരുദ്ധ സമിതി ഡയറക്ടര്‍ ഫാ. ജോസഫ് ഷെറിന്‍ ചെമ്മായത്ത് അധ്യക്ഷത വഹിച്ചു.സമിതി അംഗങ്ങളായ ജെസ്സി ഷാജി, ജസ്റ്റിന്‍ മാളിയേക്കല്‍,ഡിക്‌സണ്‍ റോഡ്രിഗസ്,സെബാസ്റ്റ്യന്‍ വലിയപറമ്പില്‍,എം.ഡി റാഫേല്‍, കെ.വി കഌറ്റ്‌സ്, ആനിമേറ്റര്‍ സിസ്റ്റര്‍ ആന്‍, പി എല്‍ ബോസ്‌കോ തുടങ്ങിയവര്‍ സംസാരിച്ചു.
