19-August-2024 -
By. news desk
കോലഞ്ചേരി: പൂത്തൃക്ക പബ് ളിക് ലൈബ്രറിയുടെ 70ാം വാര്‍ഷികാഘോഷത്തിന്റെ ഭാഗമായി രൂപകല്‍പ്പന ചെയ്തിരിക്കുന്ന ലോഗോ പ്രകാശനവും രാജ്യത്തിന്റെ 78ാം സ്വാതന്ത്ര്യ ദിനാഘോഷവും നടന്നു. സി.എം. ജേക്കബ്ബ് ദേശീയപതാക ഉയര്‍ത്തി. വടവുകോട് ബ്ലോക്കുപഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ രാജമ്മ രാജന്‍ സമ്മേളനം ഉദ്ഘാടനം ചെയ്തു.
പൂത്തൃക്ക ഗവ: ഹൈസ്‌കൂള്‍ ഹെഡ് മാസ്റ്റര്‍ ഡോ. സന്തോഷ്‌കുമാര്‍ സ്വാതന്ത്ര്യ ദിനസന്ദേശം നല്‍കി. എഴുപതാം വാര്‍ഷികം പ്രമാണിച്ച് പുറത്തിറക്കിയ ലോഗോയുടെ പ്രകാശനം വാര്‍ഡ് മെമ്പര്‍ എം.വി ജോണി നിര്‍വ്വഹിച്ചു.
എം.വി ജോണി, ടി.വി രാജന്‍, എം.പി.തമ്പി, കെ.പി.സാജു, കെ.എസ് കൃഷ്ണകുമാര്‍, ജിമ്മി പോള്‍, ജോണ്‍ കെ.തോമസ് എന്നിവര്‍ സംസാരിച്ചു. മിഷേല്‍ ജേക്കബ്ബ് സ്റ്റുഡന്റ്‌സ് കോര്‍ണറിനുള്ള പുസ്തകങ്ങള്‍ ചടങ്ങില്‍ കൈമാറി. സ്വാതന്ത്ര്യദിന ക്വിസ്സ് മത്സര വിജയികള്‍ക്ക് സമ്മാനങ്ങളും സമ്മേളനത്തില്‍ വിതരണം ചെയ്തു.
