ന്യൂഡൽഹി: സാമ്പത്തികരംഗത്തിന്റെ അതിവേഗ തിരിച്ചുവരവ് ഉറപ്പാക്കാൻ സംരംഭകർക്കു ബാങ്കുകൾ കൂടുതൽ വായ്പ ലഭ്യമാക്കണമെന്നു പ്രധാനമന്ത്രി നരേന്ദ്ര മോദി. ചെറുകിട ഇടത്തരം വ്യവസായങ്ങൾക്കും സ്റ്റാർട്ടപ്പുകൾക്കും ചേരുന്ന വായ്പാപദ്ധതികൾ ആവിഷ്കരിക്കണം.
സ്വകാര്യമേഖലയെ പ്രോൽസാഹിപ്പിക്കാൻ ലക്ഷ്യമിടുമ്പോഴും, പാവപ്പെട്ടവർക്കു സഹായമെത്തിക്കാൻ ബാങ്കിങ്– ഇൻഷുറൻസ് രംഗങ്ങളിൽ പൊതുമേഖല ആവശ്യമാണെന്നു പ്രധാനമന്ത്രി പറഞ്ഞു. സാമ്പത്തികസേവന രംഗത്തു സാങ്കേതികവിദ്യ എത്തിക്കുന്ന ഫിൻടെക് കമ്പനികൾക്കു കൂടുതൽ സഹായം ബാങ്കുകൾ നൽകണമെന്നും അദ്ദേഹം ഒരു വെബിനാറിൽ പറഞ്ഞു.
