കൊച്ചി : സെന്‍ട്രല്‍ ടാക്‌സസ് ആന്റ് കസ്റ്റംസ് തിരുവനന്തപുരം സോണ്‍ ഡല്‍ഹി ആസ്ഥാനമായി പ്രവര്‍ത്തിക്കുന്ന ഗൂഞ്ച് എന്ന സന്നദ്ധ സംഘടനയുമായി സഹകരിച്ച് കൈന്‍ഡ്‌നസ് ബോക്‌സ് എന്ന പേരില്‍ സ്വച്ഛതാ കി സേവാ ക്യാമ്പെയ്ന്‍ ആരംഭിച്ചു. സമൂഹിക സേവനത്തോടൊപ്പം പരിസ്ഥിതി സംരക്ഷണം നടത്തുകയെന്ന ലക്ഷ്യത്തോടെ ഉപയോഗിച്ച വസ്ത്രങ്ങള്‍ സെന്‍ട്രല്‍ ടാക്‌സസ് ആന്റ് കസ്റ്റംസ് തിരുവനന്തപുരം സോണ്‍ ജീവനക്കാര്‍ ശേഖരിച്ച വസ്ത്രങ്ങള്‍ ആവശ്യക്കാര്‍ക്ക് നല്‍കുന്നതിനായി ഗൂഞ്ച് പ്രവര്‍ത്തകര്‍ക്ക് കൈമാറി. കൈമാറ്റ ചടങ്ങ് സെന്‍ട്രല്‍ ടാക്‌സസ് ആന്റ് കസ്റ്റംസ് തിരുവനന്തപുരം സോണ്‍ കൊച്ചി കമ്മീഷണറേറ്റില്‍ ചീഫ് കമ്മീഷണര്‍ മനോജ് കെ. അറോറ ഐ.ആര്‍.എസ് ഉദ്ഘാടനം ചെയ്തു.
