കൊച്ചി: മെഡിക്കല് ട്രസ്റ്റ് ആശുപത്രിയുടെ കീഴില് പ്രവര്ത്തനം ആരംഭിച്ച ഫിസിയോതെറാപ്പി കേന്ദ്രമായ ‘റിവൈവ’ യുടെ ഉദ്ഘാടനം കൊച്ചി മേയര് അഡ്വ.വി. കെ.മിനിമോള് നിര്വഹിച്ചു.ആധുനിക ചികിത്സാ സൗകര്യങ്ങളും വിദഗ്ധ ഫിസിയോതെറാപ്പിസ്റ്റുമാരുടെ സേവനവും ഉള്ക്കൊള്ളുന്ന റിവൈവ, ഓര്ത്തോപീഡിക്, ന്യൂറോളജിക്കല്, സ്പോര്ട്സ് പരിക്കുകള്, പോസ്റ്റ്-ഓപ്പറേറ്റീവ് റീഹാബിലിറ്റേഷന് തുടങ്ങിയ മേഖലകളില് സമഗ്രമായ ഫിസിയോതെറാപ്പി സേവനങ്ങള് ലഭ്യമാക്കും.മെഡിക്കല് ട്രസ്റ്റ് ആശുപത്രിയുടെ ഗുണനിലവാരവും വിശ്വാസ്യതയും ഉറപ്പാക്കുന്ന ഈ കേന്ദ്രം രോഗികളുടെ വേഗത്തിലുള്ള രോഗമുക്തിക്കും ശാരീരികക്ഷമത വീണ്ടെടുക്കുന്നതിനും സഹായകമായ നൂതന ചികിത്സാ രീതികളും വ്യക്തിഗത പരിചരണവും നല്കുമെന്ന് ആശുപത്രി മാനേജിംഗ് ഡയറക്ടര് ഡോ. പി.വി.ലൂയിസ് പറഞ്ഞു. ഡയറക്ടര്മാരായ ഡോ.പി.വി.തോമസ്, പി.വി.സേവ്യര്, എം.എ ജോസഫ്, എസ്.മഹേഷ്, തുടങ്ങിയവരും പ്രസംഗിച്ചു.
