ന്യൂഡല്ഹി : ബ്രിക്സ് (BRICS) ഉച്ചകോടിയില് ഇന്ത്യയുടെയും വിയറ്റ്നാമിന്റെയും പ്രധാനമന്ത്രിമാര് നടത്തിയ കൂടിക്കാഴ്ചയ്ക്ക് പിന്നാലെ, ഇരു രാജ്യങ്ങളും തമ്മിലുള്ള പ്രതിരോധ ബന്ധം കൂടുതല് ശക്തമാക്കാന് ഉന്നതതല യോഗത്തില് ധാരണയായി. ഇന്ത്യയുടെ പ്രതിരോധ സെക്രട്ടറി രാജേഷ് കുമാര് സിംഗും വിയറ്റ്നാം ഡെപ്യൂട്ടി പ്രതിരോധ മന്ത്രി സീനിയര് ലെഫ്റ്റനന്റ് ജനറല് എന്ഗുയെന് ട്രൂങ് താംഗും തമ്മില് സെപ്റ്റംബര് 13-ന് ന്യൂഡല്ഹിയില് വെച്ച് കൂടിക്കാഴ്ച നടത്തി. ഇരുരാജ്യങ്ങളും തമ്മിലുള്ള സൗഹൃദം വര്ദ്ധിപ്പിക്കുന്നതിനും, മേഖലയിലെ സുരക്ഷ ഉറപ്പാക്കുന്നതിനും, പ്രതിരോധ സാങ്കേതികവിദ്യ കൈമാറ്റം, പ്രതിരോധ വ്യാവസായിക സഹകരണം എന്നിവ വേഗത്തിലാക്കുന്നതിനും യോഗത്തില് തീരുമാനമായി.
ഇന്തോ-പസഫിക് മേഖലയില് സമാധാനവും സ്ഥിരതയും ഉറപ്പുവരുത്തുന്നതിന് ആസിയാന് ഡിഫന്സ് മിനിസ്റ്റേഴ്സ് മീറ്റിംഗ് പ്ലസ് (ADMM-Plus) പോലുള്ള ആഗോള കൂട്ടായ്മകള് വഴിയുള്ള പ്രവര്ത്തനങ്ങള്ക്ക് യോഗം പ്രാധാന്യം നല്കി. ഇതിന്റെ തുടര്ച്ചയായി അടുത്ത ഡിഫന്സ് പോളിസി ഡയലോഗ് ‘എയറോ ഇന്ത്യ 2027’-നോടനുബന്ധിച്ച് ഇന്ത്യയില് വെച്ച് നടത്താനും ഇരുരാജ്യങ്ങളും തമ്മില് ധാരണയിലെത്തി.
