കൊച്ചി: ഡ്രീം ടെക്നോളജി തങ്ങളുടെ ഏറ്റവും പുതിയ ഫ്ലാഗ്ഷിപ്പ് റോബോട്ട് വാക്വം ക്ലീനറായ ഡ്രീം X60 അൾട്രാ കംപ്ലീറ്റ് (Dreame X60 Ultra Complete) ഇന്ത്യയിൽ അവതരിപ്പിച്ചു. കേവലം 7.95 സെന്റിമീറ്റർ മാത്രം ഉയരമുള്ള ഇത് കമ്പനിയുടെ ഏറ്റവും കനം കുറഞ്ഞ റോബോട്ട് വാക്വമാണ്. കിടക്ക, സോഫ, കാബിനറ്റ് എന്നിവയ്ക്ക് അടിയിലുള്ള ഇടുങ്ങിയ ഭാഗങ്ങളിൽ എളുപ്പത്തിൽ കടന്നുചെല്ലാൻ ഇതിന് സാധിക്കും. 280-ലധികം വസ്തുക്കൾ കൃത്യമായി തിരിച്ചറിഞ്ഞ് ഒഴിവാക്കാൻ ഇതിലെ ബൈനോക്കുലർ AI ക്യാമറകൾ സഹായിക്കുന്നു. കൂടാതെ, 4.2 സെന്റിമീറ്റർ വരെയുള്ള ഒറ്റത്തട്ടുകളും 8 സെന്റിമീറ്റർ വരെയുള്ള ഇരട്ടത്തട്ടുകളും എളുപ്പത്തിൽ മറികടക്കാൻ സഹായിക്കുന്ന ഫ്ലെക്സിഅഡാപ്റ്റ് സാങ്കേതികവിദ്യയും ഇതിൽ സജ്ജീകരിച്ചിട്ടുണ്ട്.
ഡ്യുവൽ ഫ്ലെക്സ് ആം ടെക്നോളജി ഉപയോഗിച്ച് മുറിയുടെ കോണുകളിലും എത്തിച്ചേരാൻ ബുദ്ധിമുട്ടുള്ള ഭാഗങ്ങളിലും 100% ശുചിത്വം ഉറപ്പാക്കാൻ ഈ വാക്വത്തിന് സാധിക്കും. 1,34,999 രൂപയാണ് ഇതിന്റെ വില. സെപ്റ്റംബർ 22 മുതൽ ഡ്രീം ഇന്ത്യയുടെ ഔദ്യോഗിക വെബ്സൈറ്റിലും സെപ്റ്റംബർ 27 മുതൽ ആമസോൺ ഇന്ത്യയിലും ഈ പുതിയ മോഡൽ ലഭ്യമായിത്തുടങ്ങും.
