15-November-2024 -
By. news desk
കൊച്ചി: വയനാട് പുനരധിവാസ പദ്ധതികള്‍ക്ക് പിന്തുണ നല്‍കുന്നതിനായി കൊച്ചിന്‍ പബ്ലിക്ക് സ്‌കൂളിലെ വിദ്യാര്‍ഥികളുടെ നേതൃത്വത്തില്‍ കാര്‍ണിവല്‍ സംഘടിപ്പിച്ചു. സ്‌കൂള്‍ മാനേജിംഗ് ട്രസ്റ്റി പ്രൊഫ. കെ.എം സുബൈദ കാര്‍ണിവല്‍ ഉദ്ഘാടനം ചെയ്തു. പ്രിന്‍സിപ്പല്‍ ജബീന ഇബ്രാഹിം അധ്യക്ഷത വഹിച്ചു. മാനേജിംഗ് ട്രസ്റ്റി ഡോ. സബാന ബക്കര്‍, പി.ടി.എ പ്രസിഡന്റ് ഷഫീഖ് മാലിക്, അക്കാദമിക് ഡയറക്ടര്‍ ഫഹ്മിദ ഫിയാസ് തുടങ്ങിയവര്‍ സംസാരിച്ചു. പരമ്പരാഗത പാചകരീതികള്‍, പലഹാരങ്ങള്‍, പുഡ്ഡിംഗുകള്‍, ഐസ്‌ക്രീം, ആര്‍ട്ട് ആന്‍ഡ് ക്രാഫ്റ്റ്, സ്‌റ്റേഷനറികള്‍ ഉള്‍പ്പെടെയ 30ലധികം സ്റ്റാളുകളാണ് കാര്‍ണിവലിന്റെ ഭാഗമായി ഒരുക്കിയത്.
