കൊച്ചി: വനിത ബുള്ളറ്റ് ആന്റ് ബൈക്ക് റൈഡേഴ്‌സ് അസോസിയേഷനും ഫോറം കൊച്ചിയും ചേര്‍ന്ന് ലോക ടൂറിസം ദിന ആഘോഷം സംഘടിപ്പിച്ചു. ഇതിന്റെ ഭാഗമായി നടത്തിയ ബൈക്ക് റാലി, റൈഡ് ആക്ഷന്‍ എന്നിവയില്‍ 30 ല്‍ പരം യുവതികള്‍ പങ്കെടുത്തു. വൈറ്റില, കുണ്ടന്നൂര്‍ മേഖലയില്‍ നടത്തിയ ബൈക്ക് റാലിയുടെ ഫ്‌ലാഗ് ഓഫ് ഫോറം കൊച്ചി എ ജി എം സജീഷ് ചന്ദ്ര നിര്‍വഹിച്ചു. ലുലു ഡെ യ് ലി ജനറല്‍ മാനേജര്‍ ഷെരീഫ്, ഷോപ്പേഴ്‌സ് സ്‌റ്റോപ്പ് മാനേജര്‍ അനുരാഗ്, ഫോറം കൊച്ചി ഡെപ്യൂട്ടി മാര്‍ക്കറ്റിംഗ് മാനേജര്‍ ദീപ വിനയ് എന്നിവര്‍ ചടങ്ങില്‍ സന്നിഹിതരായിരുന്നു.
