17-October-2023 -
By. Business Desk
കൊച്ചി: വളരെ അപൂര്‍വമായ ഒരു പ്രണയം ആഘോഷിക്കാന്‍, പ്ലാറ്റിനം ലവ് ബാന്‍ഡ്‌സ് പുതിയ ശേഖരം അവതരിപ്പിക്കുന്നു. 95% ശുദ്ധവും അപൂര്‍വവുമായ പ്ലാറ്റിനത്തില്‍ ചെയ്ത 'മോമെന്റ്‌റ് ഓഫ് കമ്മിറ്റ്‌മെന്റ്' പ്ലാറ്റിനം ലവ് ബാന്‍ഡുകള്‍ പ്രണയത്തിന്റെ ആത്യന്തിക പ്രതീകമാണെന്ന് അധികൃതര്‍ വ്യക്തമാക്കി.ആകര്‍ഷകമായ പാറ്റേണുകള്‍, വ്യതിരിക്തമായ ടെക്‌സ്ചറുകള്‍, മനോഹരമായ വരകള്‍, ഗംഭീരമായ രൂപങ്ങള്‍ എന്നിങ്ങനെ സൂക്ഷ്മമായി രൂപകല്‍പ്പന ചെയ്തിരുന്നതാണ് ഈ പുതിയ ശേഖരം. ഹാര്‍ട്ട്‌സ് ഇന്‍ ഹാര്‍മണി, ലാസ്റ്റിങ് പ്രോമിസസ്, ബ്ലിസ്ഫുള്‍ ബാലന്‍സ് തുടങ്ങിയ പുതിയ പ്ലാറ്റിനം ശേഖരം ഇന്ത്യയിലെ പ്രമുഖ ജ്വല്ലറി റീട്ടെയില്‍ സ്‌റ്റോറുകളില്‍ ഉടനീളം ലഭ്യമാണ്.ഹാര്‍ട്ട്‌സ് ഇന്‍ ഹാര്‍മണി ലവ് ബാന്‍ഡുകള്‍ മിറര്‍ ഇമേജുകളാണ്. 95% ശുദ്ധമായ പ്ലാറ്റിനത്തില്‍ രൂപപ്പെടുത്തിയ ഈ ആഭരണങ്ങള്‍ നിങ്ങളുടെ അഭേദ്യമായ ബന്ധത്തിന്റെ സ്ഥായിയായ പ്രതീകങ്ങളായി വര്‍ത്തിക്കും. സമാനതകളില്ലാത്ത കരുത്തുറ്റ ലോഹമായ പ്ലാറ്റിനത്തില്‍ കാസ്റ്റ് ചെയ്‌തെടുത്ത ലാസ്റ്റിങ് പ്രോമിസസ് പ്ലാറ്റിനം ലവ് ബാന്‍ഡുകള്‍ നിങ്ങളുടെ പ്രണയത്തിന്റെ കരുത്തുമായി തികച്ചും പൊരുത്തപ്പെടുന്നു. ബ്ലിസ്ഫുള്‍ ബാലന്‍സ് ലവ് ബാന്‍ഡുകള്‍ പുരുഷന്മാരുടെ മോതിരത്തില്‍ ബ്രഷ് ചെയ്തതും തിളങ്ങുന്നതുമായ ടെക്‌സ്ചറുകളും സ്ത്രീകളുടെ മോതിരത്തില്‍ പ്ലെയിന്‍ സ്റ്റഡ്ഡ് ഫിനിഷുകളും സംയോജിപ്പിക്കുന്നു.
