6-November-2023 -
By. Business Desk
കൊച്ചി: പുരാതനവും പ്രീമിയവുമായ ബിരിയാണി റൈസ് ബ്രാന്‍ഡുകളിലൊന്നായ മെസ ആഗ്രോ പ്രോഡക്ഷന്‍സിന്റെ ' ബാദ്ഷ '' ബ്രാന്‍ഡ് ബിരിയാണി അരിയുടെ കേരള വിപണിയിലെ വില്‍പ്പന വിപുലീകരിക്കുന്നതിനും വ്യാജ ബ്രാന്‍ഡുകള്‍ക്കെതിരെ വിവിധ പദ്ധതികളും ആരംഭിച്ചു. വിപണി സാന്നിധ്യം വിപുലീകരിക്കുന്നതിന്റെ ഭാഗമായി ആദ്യഘട്ടത്തില്‍ സംസ്ഥാനത്തെ നിലവിലെ ഡീലര്‍മാരുടെ എണ്ണവും വിപണി വിഹിതവും ഇരട്ടിയാക്കാനുമാണ് കമ്പനി ലക്ഷ്യമിടുന്നതെന്ന് മാനേജിംഗ് ഡയറക്ടര്‍ ഗണേഷ് മെഹ്‌റ വാര്‍ത്താസമ്മേളനത്തില്‍ അറിയിച്ചു. വീട്ടമ്മമാര്‍, പാചക വിദഗ്ദ്ധര്‍ എന്നിവരെ പങ്കെടുപ്പിച്ചുകൊണ്ട് സംസ്ഥാനത്തിന്റെ വിവിധ ഭാഗങ്ങളില്‍ പാചക ക്ലാസുകള്‍, പാചക മത്സരങ്ങള്‍, ഉപഭോക്താക്കള്‍ക്കായി സമ്മാനപദ്ധതികള്‍ തുടങ്ങി ഒരു വര്‍ഷത്തെ വിവിധ പരിപാടികള്‍ സംഘടിപ്പിക്കുമെന്നും ഗണേഷ് മെഹ്‌റ പറഞ്ഞു.
ബ്രാന്‍ഡ് പ്രമോഷന്റെ ഭാഗമായുള്ള റോഡ് ഷോ കൊച്ചിയില്‍ ഫ് ളാഗ് ഓഫ് ചെയ്തു. റോഡ് ഷോയിലെ സെല്‍ഫി വിത്ത് ബാദ്ഷ പരിപാടിയില്‍ പങ്കെടുക്കുന്നവര്‍ക്ക് വിവിധ സമ്മാനങ്ങളും മെഗാ സമ്മാനമായി രണ്ടു ഗ്രാമ സ്വര്‍ണ്ണനാണയവും നല്‍കുമെന്നും അദ്ദേഹം പറഞ്ഞു. കഴിഞ്ഞ 40 വര്‍ഷങ്ങളായി ഇന്ത്യന്‍ വിപണിയില്‍ സജീവ സാന്നിധ്യമുള്ള ബാന്‍ഡ് 1996 മുതലാണ് കേരളത്തില്‍ വിതരണം ആരംഭിച്ചതെന്ന് കമ്പനി മാര്‍ക്കറ്റിംഗ് മാനേജര്‍ (കേരളം) ടി. ഇ സതീശന്‍ പറഞ്ഞു. എന്നാല്‍ ഏതാനും നാളുകളായി കമ്പനിയുടെ ട്രേഡ് മാര്‍ക്കിന് സമാനമായ വ്യാജ ബ്രാന്‍ഡുകള്‍ വിപണി കീഴടക്കിയിരിക്കുകയാണ്. ഇത് ഉപക്താക്കളെയും വ്യാപാരികളെയും കമ്പനിയെയും ഒരുപോലെ ബാധിക്കുന്നുണ്ട്. ഇതിനൊരു പരിഹാരമായി കൂടിയാണ് ഈ ബ്രാന്‍ഡ് പ്രമോഷന്‍ പരിപാടികളെന്നും അദ്ദേഹം അറിയിച്ചു.
ഉന്നത ഗുണ നിലവാരമുള്ള കൈമ റൈസ് ഉണ്ടാക്കുന്ന ഗോവിന്ദ് ബോഗ് ഇനത്തില്‍പ്പെട്ട നെല്ല് കൃഷി ചെയ്യുന്ന പശ്ചിമ ബംഗാളിലെ വര്‍ദ്ധമാന്‍ ജില്ലയില്‍ നിന്നുള്ള നെല്ലാണ് പൂര്‍ണ്ണമായും ഈ ബ്രാന്‍ഡിന്റെ ഉല്‍പാദനത്തിന് ഉപയോഗിക്കുന്നത്. നല്ല സുഗന്ധവും മുന്തിയ നിലവാരവുമുള്ള ഈ അരിയെ കൈമ, ജീരക, ബിരിയാണി റൈസ് എന്നീ പേരുകളിലും വിപണിയില്‍ അറിയപ്പെടുന്നു. വയലുകളില്‍ നിന്നും നേരിട്ട് നെല്ല് ശേഖരിച്ച് ശുദ്ധീകരിച്ചു രണ്ടു വര്‍ഷം ആധുനിക സൗകര്യങ്ങളുള്ള സംഭരണശാലകളില്‍ സൂക്ഷിച്ച ശേഷം വിവിധ പ്രക്രിയകളിലൂടെ അരിയാക്കും. തുടര്‍ന്ന് 50, 25, 5, 2, 1 കിലോ പാക്കറ്റുകളിലാക്കി വിപണികളില്‍ എത്തിക്കുന്നു മഹാവീര്‍ ട്രേഡേഴ്‌സ് ഉടമ ഭാവിക് എം. പോര്‍ച്ചേ, സിനിമാതാരം ദേവരാജ് പയ്യന്നൂര്‍, സംവിധായകന്‍ ആര്‍. അജയ് എന്നിവരും വാര്‍ത്താ സമ്മേളനത്തില്‍ പങ്കെടത്തു.
