കൊച്ചി: കൊച്ചി കസ്റ്റംസ് ഹൗസും കമ്മീഷണറേറ്റ് ഓഫ് കസ്റ്റംസും (പ്രിവന്റീവ്) സംയുക്തമായി അന്താരാഷ്ട്ര കസ്റ്റംസ് ദിനാചരണം സംഘടിപ്പിച്ചു. കേരള ഹൈക്കോടതി ജഡ്ജ് ജസ്റ്റിസ് എന്‍. നഗരേഷ് ഉദ്ഘാടനം ചെയ്തു. കമ്മീഷണര്‍ ഓഫ് കസ്റ്റംസ് (പ്രിവന്റീവ്) കെ.പത്മാവതി ഐ.ആര്‍.എസ്, കൊച്ചി കസ്റ്റംസ് ഹൗസ് കമ്മീഷണര്‍ ഗുര്‍കരണ്‍ സിംഗ് ബെയ്ന്‍സ് ഐ.ആര്‍.എസ് എന്നിവര്‍ സംസാരിച്ചു.മികച്ച പ്രകടനം നടത്തിയ ഉദ്യോഗസ്ഥരെ ചടങ്ങില്‍ ആദരിക്കുകയും പ്രശംസാപത്രം സമ്മാനിക്കുകയും ചെയ്തു.
